Versets bíblics populars de Romayguakuérape 14

Comparteix

Nde Ruete retãguasu reko ndaha’éi jakaru térã jay’u hag̃ua; justícia, py’aguapy ha vy’a Pytu Porãmbavapype uvei. Upéicha omba’apóva (oservíva) Hesu Crístope g̃uarã, ombohory Ñanderuetépe ha ojehechakuaa porã (ivale) hapichakuéra apytépe.

Jaikovérõ, jaikove Ñanderuetépe g̃uarã; ha ñamanórõ, ñamano avei Ñanderuetépe g̃uarã. Upéicha ningo jaikovérõ térã ñamanórõ, ñande ningo Ñanderuete mba’e voi.

Upévare ñañeha’ãmba jaiko hag̃ua oñondive py’aguapýpe ha ñañopytyvõ jakakuaa hag̃ua ko py’aguapy reheguáva.

Upévarehe anivétei ñañombojovakeñaína, ñañeha’ãmba katu ani hag̃ua ñamoñepysãnga ñane hermánope térã jaity ichupe angaipápe.

Ojehai voi Ñanderuete kuatiañe’ẽme: Opavave oñesũta che renondépe ha chemomba’eguasúta, he’i Ñanderuete, (Isaías 45,23). Upévare peteĩteĩ ñande ñañemombe’uva’erã Ñanderuete renondépe, (opaite mba’e jajapova’ekue ñande rekove pukukue).

Pemog̃uahẽ porãke iglésia apytépe pene hermáno ha pene hermána ikangýva gueteri ijeroviápe, ani hag̃ua peñoñe’ẽ’api umi mba’e peikuaa porã’ỹva rehe.

Ha nde rembojovakéva ambue tembiguáipe, máva piko nde. Pe tembiguái péva oñembo’y térã ho’a Ijárape g̃uarã. Ha’e opytáta ñembo’yhápe Hesu Crísto, Ijára imbaretéva, ojokógui ichupe.