Versets bíblics populars de Márcos 14

Comparteix

Ha he’i: Che Ruete, ndéve ningo opaite mba’e ikatu, embohasamína chehegui ko váso kóva (jepy’ara’ã); opáichavo, ani pe che aipotáva oiko, upe nde reipotávante uvei toiko.

Ani peke ha peñembo’éke ani hag̃ua peñepysãnga; ñande pytu porã ningo ikyre’ỹ, ñande ro’o (rete) katu ikangy.

Añetéko ha’e peẽme: Mamo oñemombe’uhápe ko evangélio ko yvy tuichakue javeve, oñemombe’úta avei ko kuña ojapóva cherehe, oiko hag̃ua hese mandu’a tapiaite.

Ha he’i ichupekuéra: Che ánga ojepy’apyeterei amano hag̃uáicha, pepyta ápe ha ani pekétei.

Ha okaru jave hikuái Hesu ojapyhy pe pan, ohovasa oipehe’ã ha ome’ẽ ichupekuéra he’ívo: Kóina, kóva ningo che rete.

Ha ojapyhývo pe váso oagradecé Ñanderuetépe ha ome’ẽ hemimbo’ekuérape, ha opavave ho’u ichugui. Ha Hesu he’i ichupekuéra: Kóva ningo che ruguy, tuguy ñembopy’apeteĩ pyahu reheguáva, oñeñohẽva heta rehehápe.

Ha Hesu he’i ichupekuéra: Peẽ peñepysãngapáta, ojehai ningo Ñanderuete kuatiañe’ẽme: Ojejukáta herekuápe, ha ijovechakuéra oñemosarambipáta, (Zacarías 13,7).

Pepu’ã jaha. Péina pe chetraicionátava (che py’ajoyvýva) oñemoag̃uíma ñandehegui.

Hesu katu he’i ichupe: Añete ha’e ndéve, ko pyharépe, pe gállo osapukái mboyve mokõi jevy, nde chembotovéta (chenegáta) mbohapy jevy.