Versets bíblics populars de Márcos 10

Comparteix

Ñanderuete Ra’y ningo ndoúi ojeserviuka hag̃ua, oservi hag̃ua uvei ha ome’ẽ hag̃ua hekove osalva hag̃ua heta kuimba’e ha kuñakuérape.

Hesu katu oma’ẽ hesekuéra ha he’i: Kuimba’ekuérape g̃uarã ndaikatúi, ndaupéichai katu Ñanderuetépe g̃uarã, opaite mba’e Ha’e ikatu ojapo.

Ha Hesu he’i ichupe: Tereho, nde jerovia nepytyvõma. Ha upevove ohecha jevy, ha oho Hesu rapykuéri tape rehe.

Upévare umi tekove Ñanderuete ombojoajuva’ekue aníke yvyariguakuéra ombojei ojuehegui.

Ha Hesu oma’ẽvo hese ohayhu ichupe, ha he’i ichupe: Peteĩ mba’e ne’ĩra rejapo. Tereho eme’ẽmba rerekóva guive mboriahukuérape, ha rerekóta mba’eita Ñanderuete rekohápe, ha eju che rapykuéri.

Ha Hesu oporandu ichupe: Mba’épa reipota ajapo nderehe. Ha pe hesatũva he’i: Mbo’ehára, tahecha jevýna.

Pende apytépe katu ndaupeichaiva’erã; upe ituichaséva pende apytépe, upéva pene rembiguaiva’erã.

Añetéko ha’e peẽme: Upe oiko’ỹva mitãicha, araka’eve ndoikeiva’erã Ñanderuete retãguasúpe (yvágape).

Opáichavo heta ko’ág̃a oĩva tenondegua ramo opytáta tapykuépe, ha heta tapykue peguáva opytáta tenonderãme.

Ñepyrũme, Ñanderuete ojapórõ guare opaite mba’e, Ha’e ojapo peteĩ kuimba’e ha peteĩ kuña (opyta hag̃ua oñondive). Upévarehe pe kuimba’e ohejava’erã itúva ha isýpe, oiko hag̃ua hembireko ndive, ha mokõivéva peteĩ to’ontemava’erã.