Versets bíblics populars de Matéo 9

Comparteix

Ha he’i hemimbo’ekuérape: Pe kokue ningo ituicha ha umi omba’apóva ipype katu imbovy. Pejerure pe kokue járape tombou umi omba’apova’erãva ikokuépe.

Tapeho ha peikuaa raẽ mba’épa he’ise ko ñe’ẽ kóva: Poriahuvereko aipota, ha ndaipotái peikuave’ẽ tymbakuérape; che ndajúi heko jojáva (ijústova) renóivo, aju ahenóivo angaipavorakuérape oñembyasy hag̃ua hi’angaipágui.

ha Hesu ohechávo hetãygua atýpe oiporiahuverekoite ichupekuéra, oikógui hikuái umi ovecha herekua’ỹvaicha oñemosarambipáva.

Ha Hesu ohendúvo iñe’ẽ ombohovái ichupekuéra: Umi hesãiva noikotevẽi pohãnohára rehe, umi hasývante uvei.

Ha Hesu oguata ohóvo umi táva ha tava’ikuéra rupi, ombo’e Ñanderuete rogakuérape pe marandu porã (evangélio), ha omonguera opaichagua tetãygua hasývape