Versets bíblics populars de Matéo 26

Comparteix

Peñeñangarekóke ha peñembo’e ani hag̃ua pe’a jepy’ara’ãme. Pe pytu porã ningo ikyre’ỹ, pe to’o (ánga) katu ikangyete.

Ha he’i ichupekuéra: Che ánga oñembyasy chejuka hag̃uáicha, pepyta ko’ápe chemoirũ katu pene ñembo’épe.

Ha oho tenonderã gotyomive, ha oñesũ tĩndyhápe, ha oñembo’évo, he’i: Che Ru ikatu ramo embohasa chehegui ko váso (ñemano) kóva, anínte oiko che aipotáva, upe nde reipotáva uvei toiko.

Kóva ha’e che ruguy oñembopy’apeteĩ pyahu hag̃ua ha oñeñohẽva heta rehehápe, ombogue hag̃ua yvyarigua angaipakuéra.

Ha okaru aja hikuái, Hesu ojapyhy pe pan, ohovasa, oipehe’ã ha ome’ẽ hemimbo’ekuérape he’ívo: Kóina pe’u; kóva ningo che rete.

Upéi ojapyhy pe váso (víno ryru), oagradece ha ome’ẽ hemimbo’ekuérape, ha he’i: Pe’u joaite ichugui.

Upéi ou hemimbo’ekuéra rendápe ha ojohu ichupekuéra oke joa, ha he’i Pédrope: Ndaikatúi piko peñembo’e chendive peteĩ hórami jepe peke’ỹre.

Ha Che ha’e peẽme, ko ára guive nda’uvéima ko parral rykuere, upe ára pyahuetépe ha’u jevy hag̃ua penendive che Ruete yvága pegua retãguasúpe.

Ha upépe ae Pédro imandu’a Hesu ñe’ẽ rehe he’ívo ichupe: Pe gállo osapukái mboyve, nde eréta mbohapy jevy ndachekuaaiha, ha osẽvo upégui, ojahe’o asy ipy’aite guive.

Pepu’ã ha jaha, péina pe chetraicionáva oñemoag̃uíma oúvo.

Upérõ Hesu he’i: Emoinge nde kyse puku hyrúpe; upe oiporúva kyse puku, kyse pukúpe omanova’erã.