Versets bíblics populars de Malaquías 3

Comparteix

Peguerupaite pende diézmo che rogaguasúpe oĩ hag̃ua tembi’u ipype ha peẽ chera’ãkuaa (peprovakuaa) ha pehecháta Che aipe’ataha yvága rovetã oky hag̃ua ha añohẽta pendeári che pytyvõ hembypa peve.

Che amondyipáta umi tuku ho’upávape, ha umía nombyaimo’ãvéima pende koga’akue, ha pende parralty hi’a porã jevýta, he’i ángel atykuéra Jára. Ha mayma tetã ovy’aitéta penendive peiko porãitereiháre, he’i ángel atykuéra Jára.

Ha péva oikóta chéve g̃uarã mba’erepy iporavopyréva ramo, he’i ángel atykuéra Jára, upe ára upévape Che aiporiahuverekóta peteĩ túva oiporiahuvereko háicha ita’ýrape. Ha upépe ae pehecha porã jevýta oĩha juavy heko potĩva ha heko ky’áva apytégui, umi omomba’eguasúva Ñanderuetépe ha umi omomba’eguasu’ỹva ichupe.

Peikuaa porãke, Che amondóta che remimondo ombosako’i hag̃ua pe tape che renonderãme, sapy’aitépe oúta pende Jára peẽ peha’ãrõva hogaguasúpe ijyvága remimbou ndive, pende Ruete voi ningo he’i ko mba’e kóva.