Versets bíblics populars de Apostolkuéra 5

Comparteix

Upémaramo Pédro ha ambue apostolkuéra he’i ichupekuéra: Oreñe’ẽrenduveva’erã Ñanderuetépe kuimba’ekuéragui.

Ha opaite árape oporombo’e ha omombe’u hikuái Hesu Crísto evangélio Ñanderuete rogaguasúpe ha hetãyguakuéra róga rupi avei.

Pédro katu he’i ichupe: Ananías, mba’érehe piko Satana omyenyhẽ nde py’apy, ndejapu hag̃ua Pytu Porãmbávape ha reñomi pe yvy repykuégui. Revende’ỹ rire ne mba’eva’erãmo’ã gueteri, ha revende rire opaite pe yvy repykue ne mba’e gueteri avei. Mba’épa ojehu nde remoĩ hag̃ua ko mba’evai kóva nde py’apýpe. Nde nandejapúi hermanokuérape, Ñanderuetépe uvei ndejapu. Ananías ohendúvo umi ñe’ẽ ho’a ha omano. Ha opavave ohendúva guive péva, okyhyjepa opytávo.

Ha ama’ẽvo umi mba’e ojehuva’ekue rehe che ha’e peẽme: Pepoi katu ko’ã kuimba’e ko’ãvagui ha ani pejapo mba’evai hesekuéra. Kuimba’e rembiapo ramo ha’ekuéra ojapovahína opa reiva’erã katuete, Ñanderuete rembiapo ramo katu, peẽ ndaikatúi pembyai ha anítei pejejohu peñemoĩha Ñanderuete rehe.