Versets bíblics populars de 2 Corintoyguakuérape 1

Comparteix

Toñemomba’eguasu Ñandejára ha pe Jára Hesu Cristo Ru, Ha’e ningo pe Túva oiporiahuverekóva ha pe Jára oporomoangapyhýva. Ha’e voi oremoangapyhy opaite ore jehasa asýpe, ore roporomoangapyhy jevy hag̃ua Ha’e oremoangapyhy haguéicha.

Oñeñohẽ haguéicha jehasa asyete ramo ore rekovépe, upéicha oñeñohẽ avei ñemoangapyhyeta ore rekovépe.

Ore roñandúma roimeha Romaygua hag̃uáicha, péva katu ojehu ani hag̃ua rojerovia orejehe, rojerovia hag̃ua uvei Ñanderuete rehénte, omoingovéva umi omanova’ekuépe.

Ñanderuete voi ningo oremombarete Hesu Crísto rupi ha oreporavo ko tembiapo kóvape g̃uarã Pytu Porãmbáva rupi. Ha Ñanderuete ñanemarcapáma ha Ha’e ome’ẽ avei ñandéve pe Pytu Porãmbáva ñande py’apýpe adelánto (jehupityrã) ramo omoañete hag̃ua pe ñembopy’apeteĩ (jarekóva hendive).

Ore jehasa asy orejopy vai ramojepe, péva penemoangapyhy pejerovia porãve hag̃ua ha peropu’akapa hag̃ua avei Hesu Crísto rupi.