Versets bíblics populars de Malkus 9

Comparteix

Yuk si Isa niiya, “Ongoy lay yuk nu, ‘bong siꞌ’ lagi? Yaꞌ bina luu tunmanūn basta ko pitsayaꞌ jaꞌ niyaku.”

Pag tampung mmaꞌ anak-anak looy, “Pitsayaꞌ ku Tuwan! Sugaꞌ tabangun doꞌ ku supaya yaꞌ na ku duwa-duwa pitsayaꞌ.”

Paddus meꞌ looy, lay na ga si Isa moleꞌ. Pag taabut sila-sila sa njawom lumaꞌ, tilaw ga mulit na niiya, “Ongoy lay la yaꞌ siꞌ bay tapōꞌ kami seytan anak-anak looy?” Tampung si Isa, “Siga seytan meꞌ looy ilay yaꞌ takoleꞌ pinōꞌ bong kam yaꞌ makutuꞌ meꞌ bi maku duwaa.”

“Bong inawnan timus, ndang mahap. Sugaꞌ bong meꞌ sapantun lay na lungay maasin na, niyaꞌ na sina tapabalik. Yaꞌ na luu kapansahaliyan na samasakali. Sangkon kuwan kaam, daa palungayun bi kapansahaliyan bi ni pagkahi bi manusiyaꞌ. Maka ngulihal na pin kam meꞌ bi njawom kasalassayan ka sila.”

“Soysoy ngahasi jama diyoꞌ pangkat na meꞌ karuha anak-anak tuu kalnaꞌ aku, sibuꞌ du ya ka bay ngahasi aku. Boꞌ na, soysoy ina bay ngahasi aku, saꞌ sina sat aku bay hasi na. Ilooy pun ma bay mapitu aku, hasi na du.”

Baan ta kam banahan, soysoy ina mainuman kaam san lasa mbuwaꞌ sawan boheꞌ sabap meꞌ bi kinatoonan sukuꞌ ku, basta tinungbasan jaꞌ sina ya leꞌ Tuhan.”

Pag-anu siꞌ, yuk si Isa lagi, “Soysoy ina moo-moo disu anak-anak meꞌ ituu ma pitsayaꞌ niyaku pagsiꞌ, basta bahaya mehe silay mintu niiya. Gam na bay ginantungan kallong na ka batu mehe, boꞌ na llabuhan ni tangngaꞌ sallang.

Atawa pun, bong dambilaꞌ mata bi bay kaboo-boo ningkaam buwat dusa, kuwirian bi na. Gam na dambilaꞌ sa mata bi bong pin kam tabeꞌ jaꞌ ni pamarinta Tuhan, man bi nnaa tahiyakan pa jawom nalkaꞌ ddas ka mata bi sikaduwambilaꞌ.