Versets bíblics populars de यहून्ना 12

Comparteix

जखो बी मेरी सेवा करबो चावै ह, बिनै मेरै गेल चालनो पड़सी जिऊँ क मेरा दास मेरै सागैई रेह्‍वै। जखो मेरी सेवा करसी, बानै मेरो परम-पिता मान देसी।

जखा आपका जीवऊँ परेम करी हीं बे बिनै खोसी। अर जखा इ दुनिया म आपका जीवऊँ नफरत करी हीं, बे बिनै अजर-अमर जीवन ताँई राखसी।

म थारूँ सची बोलर्यो हूँ, ग्युं को दाणो जद ताँई माटी म नइ पड़ै अर नइ मरै, बो एकलोई रेह्‍वै ह। पण मर्या पाछै बो बोळो फळै ह।

म जगत म च्यानणा की जंय्यां आयो, जिऊँ मेर प बिस्वास करबाळा अँधेरा म नइ पड़्या रेह्‍वै।

“जखा बी मिनख मेरा बचनानै सुणर बानै कोनी मानै, म बाको न्याय कोनी करूं। म इ जगत का मिनखा को न्याय करबानै कोनी आयो पण आनै बचाबानै आयो हूँ।

जणा मरीयम एक बरनी म खरो जटामासी को बणेड़ो मेंगो ईतर ल्याई अर बिनै ईसु क पगा प उंदका दिनी। अर आपका बाळाऊँ बानै पुछी। ईतर की बा बडिया सुगंद सगळा घर म फेलगी।

जणा बे खजूर का दरखत की डाळ्यां लेर बिऊँ मिलबा गया, अर जोरऊँ बोलर्या हा, “परमेसर की जे हो!” “परबु का नामऊँ आबाळानै परमेसर आसिरबाद दे!” “इजरायल का राजानै परमेसर आसिरबाद दे!”

ईसु बाऊँ बोल्यो, “बा घड़ी आगी ह जद मिनख का बेटा की मेमा होवै।