Versets bíblics populars de Jaona 19

Comparteix

Ary rehefa nanandrana ny vinaingitra Jesosy dia niteny hoe: Vita; dia nanondrika ny lohany Izy ka nanolotra ny fanahiny.

Taorianan’izany dia fantatr’i Jesosy fa efa vita ny zavatra rehetra mba hahatanteraka ny Soratra Masina ka hoy Izy: Mangetaheta Aho.

Nony hitan’i Jesosy ny reniny sy ilay mpianatra tiany fa nijanona teo dia hoy Izy tamin’ny reniny: Ravehivavy, indro ny zanakao! Ary hoy koa Izy tamin’ilay mpianatra: Indro ny reninao! Hatramin’izay ora izay dia noraisin’ilay mpianatra ho any aminy i Maria.

Fa nony nankeo amin’i Jesosy izy dia hitany fa efa maty sahady Izy, koa tsy mba notapahiny ny ranjony. Nisy miaramila iray anefa nandefona ny lanivoany, ary niaraka tamin’izay dia nisy ra sy rano nandeha.

Fa tonga izany mba hahatanteraka ny Soratra Masina hoe: «Tsy hisy hotapahina ny taolany» (Eks 12.46; Sal 34.20). Hoy koa ny teny iray ao amin’ny Soratra Masina: «Hijery izay nolefoniny izy» (Zak 12.10).

ary Izy nitondra ny hazofijaliany, dia nankany amin’ny toerana atao hoe Ikarandoha, izay atao amin’ny teny hebreo hoe Golgota.

Ary nandrandrana satroka tsilo ny miaramila ka nasatrony ny lohany sady nampitafiany lamba volomparasy Izy