Versets bíblics populars de Markuji 13

Comparteix

Atu atene anerege uidani na mwasa wa nzina naga. Mbwenye mutu wenno unavilele ante magomelo, unovulumuwa.>>

Mukale tchendjewa, muing'anelege eto mulobelege. Tchoira nyo kamuiziwile tempuwa inafuna za fiya jatene ejo.

Mbwenye aliwa kauhindani, kausumelani, kamukale okukumuwene zela mazu anafuna nyo wonga. Mbwenye yafiya tempuwa ira nyo muwonge, inafwanela muwonge yenno Mulugu inauwandeleni liye. Mwasiwa mazu munafunege nyo wonga kinakala enyu, anakala mazu okumela wa Munemba Otchena.

Zulu na ilambo ya vati jinoza jivire, mbwenye mazwaga kiza kamala.>>

Yesu ohowongagave eraga: <<Mbwenye zela siku niwa vamohi na oriwa inafuna za Mwana wa Mutu, kalivo uiziwile. Nne angelro anakala zulu, nne miyo Mwanaye. So uiziwile gu Baba mwinnya bahi.

Eto mwavwa ja kondo, na ja fe fe fe ja kondo, kamukukumuwe, mwasiwa ili yofuneya ira ejo jiireye. Mbwenye mwaona ejo jiireyaga kahi ira ku magomelo nari.

Na nyenne ifwanele muing'anele, mwasiwa siku nnafuna za maliba vande kamuiziwile. Akala unatwanyuwa na tchiguwo, akala unaza vari va mahiyu, akala unaza mitumbi dinlaga, akala unaza na mabebehi kamuiziwile. Ifwanele muing'anele ira liye afiya morurumutcha, ahaufwanyeni mugonaga! Ilukuluwa inoukokomezani miyo mwatene tchoira mukale oing'anela.>>

Mwasiwa nlogo nimohi nnoza nivenye ira niwanege na nlogo nimohi niwa, umwene unoza uwanege na umwene umohiwa. Pandi didjindji dene da ilambo munoza mukale vindarandara eto munoza mufwanyeyege ndala. Mbwenye jatene ejo jaza jiroma ireya, wewo unakala maromelo wa goyi nnafuna atu ona nnga muhiyana aromaga wene ona upa obala.

Tchoira ilambwela ya vati yahanafiye magomelo, inofuneya ira Muselu Wapama alaleyiwe mwa malogo matene.

Mwasiwa atu adjindji anerege za kavikalihege nnga miyo, kawongege kerege: <Miyo dili Kiristu>, kahali. Eto anofiyeda anyenga atu adjindji.

<<Ifwanele ira muviing'anele pama, mwasiwa munoza muvahediwe mmandani mwa anamatonga. Aliwa anoububudani muwari mwa nyumba dofundjamo Mazu eto anoza kaudowenani mmandani mwa agovernadore nari mmandani mwa amwene. Jatene ejo jinauireyelegeni na mwasa wa nzina naga ira nyo mudihidedele umboni.

Mwasiwa anoza kakumelele akiristu onama na anamafiyiheda onama. Aliwa anerege irana jionihedo na jotikiniha johokala ja masika ira kaanyengege atu. Eto jakala jowandeya anerege anyenga atu osakulriwa na Mulugu.

Yesu ohowongagave eraga: <<Muwari mwa malambo anne, goyi dile damalaga, nzuwa nnoza nidibe eto mwedi kanamoneyege. Zulu ule nyenyedi nnoza dimorewo eto kopolo datene da zulu nnoza ditikinyeye.