Versets bíblics populars de Izaiya 60

Comparteix

Kavenya we Jeruzalemu uwareye, mwasiwa moneya wawo unaaza eto undimuwa wa Yehova unaukumelela.

Atu a vilambo datene anerege za wa weyo kaharaga wareya wawo. Eto amwene atene anerege za wa weyo na mwasa omoneya wewo uukumelenle.

Tchoira isi indimuwa ihikunela ilambo ya vati eto ihakunela atu atene. Mbwenye Yehova unoukumelela eto undimuwa waye nnooneya mwa weyo.

Atu a vang'ono anoza kakale 1.000 eto atu ogomiheda yeva anoza kakale nlogo na kopolo. Miyo dili Yehova, yafiya tempuwa nnoirana mobaranya.

Nzuwa kaniza nifuneyaga ira numoneyelege na ntana, nne mwedi kaza aumoneyelaga no wareya waye. Mbwenye Yehova unaza akale moneya wa mukalakala eto undimuwa wa Mulugu wawo unaza ukale wareya wawo.

Nzuwa nawo kaniza nimalelagawo eto nne mwedi wawo kaza abidelraga, mwasiwa Yehova unaza akale moneya wawo kala no kala eto malambo awo okana kumbanya anoza kavire.

Weyo waza uona jatene eji, unoza ukayena hagalala undimuwa. Mmirimani mwawo munokana teyela no tamalela mwasiwa rayela wa bara unerege fiya wa weyo eto jorayela ja atu a vilambo datene jinerege za wa weyo.

Kavenyiha meso awo uing'ane wu na wu. Kaaone atu atene anno kagumanele kazaga wa weyo. Ahimawo a anapongwe anoza kaze, kakumelaga olapela wene. Eto ahimawo a ahiyana anerege tukuliwa mmandani mwa ammiwa.

Atu atene a nlogo nawo anoza kakale atu owongowa eto anoza kavahiwe ilambo ira ikale yewa kala no kala. Aliwa anoza kakale mitengo dedo dizanle miyo, mabasa dilabile miyo na mandaga ira miyo dititimihiwege.

Mwilamboni mwawo kamuza muvweleleya irelana ubure eto mwatene muvirile madilre awo kamuza mukala tolotchiwa, nne bwanyuliwa. Mbwenye unerege itana muru wa sidadi yawo na nzina na <<Vulusa.>> Eto milango dawo unaitanege na nzina na: <<Mutamalela Mulugu.>>

Misuwo da sidadi yawo nnakalege dohuleya dene ntana na mahiyu, kadiza difungiwaga ira atu a vilambo datene kazegena wa weyo jorayela emule, kazaga na amwene ewa.

Akamelo adjindji, ang'onong'ono okumela Midiyani na Efa anerege za mwilamboni mwenyu. Atu atene a Saba anozana oru na jonukela. Atu a vilambo dedile anerege zana muselu wapama eto anerege wonga jengo jidjindji jejo jiirile Yehova, kamutamalelaga.

Atu a vilambo da unde anoza kamange muru wa sidadi yawo. Eto amwene ewa anoza kaulabege weyo. Tchoira miyo dohouoniha goyi mwa uwali waga, mbwenye mwa sayi daga nnouwendela tangaranga.

Weyo wali olramwisiwa eto wali oidiwa na makalelo ohokala a masika, fiyeda ira kalivo avira wa weyo. Mbwenye mofutukula, miyo nnoza duulukulihe kala no kala eto nnouvaha hagalala wohomala malambo a mukalakala.

Atu a vilambo dimohi na amwene ewa anerege uvaha jodja jawo nnga uli mwana owamwihiwa. Jaireya eno, unoza uiziwe ira miyo dili Yehova, Nvulusi wawo, Namawombola wawo, Mulugu wa Kopolo wa Jako.