Versets bíblics populars de Izaiya 51

Comparteix

Miyo gu miyene unaulimbihani. Kodi nyo muli ani ira mumuovege mutu unafuna za kwa? Munamuovela nni mutu wenno unafuna za vunda nnga malatchi?

Dihimala hela mazu aga vamulomoni venyu eto duhukunelani na muriti wa ndanda naga. Muwari moirana eno puzile garatihiwa zulu eto puzile mangiwa maaliserisi a ilambo ya vati eto puzile Siyawu wandeliwa ira: <<Nyo muli atwaga.>>

Mudivuruwane nyo mwatene muiziwile upama, nyo atu okana malamulo aga mmirimani mwenyu, kamuove atu kaupudjagani nne kamurendeye zela joruwana jiwa.

Tchoira Yehova unoalimbiha murima atu a Siyawu eto unolimbiha mamburo matene kali madebe eto unosandutcha isalesale ira ikale nnga Edeni. Liye unosandutcha kokola ira ikale nnga munda wa Yehova. Hagalala no teyela unoza ufwanyeyegemo vamohi no tamalela na mazu a nyumbo.

Atu owomboliwa a Yehova anoza kawele, kaze Siyawu kaimbaga, kaganna hagalala wohomala mmuruni mwiwa. Anoza kakayena teyela no hagalala. Kumbanya no dumbela unoza umale.