Versets bíblics populars de Izaiya 44

Comparteix

Nnoza dikutulele mahindje ilambo yenno inna ntona, nnoza diwendihe mahindje va teya youmma. Nnoavaha ahimawo Munemba waga. Nnoavaha ahima anaabala we mareliho aga.

Yehova, Mwene wa Izarayeli eto Namawombola waye, Yehova wa Makuru Matene unawonga ira: <<Miyo dili oroma eto dili ogomiheda. Hiya miyo kaliwo mulugu mmohiwa.

Dihimala kumihawo jotega jawo nnga murambo agamuwaga. Eto jotega jawo dihimala kumihawo nnga ifunga yabalaleyaga. Uwele uze wa miyo mwasiwa miyo duhuwombola.

Kamurendjeye eto kamuove, kahi miyo diromile wanle uwandelani ja sogolro? Nyo muli amboni aga. Kodi ukalawo mulugu mmohiwa hiya miyo vano? Nari. Kaniliwo nibwe nimohi niwa. Dihiziwa ira kaniliwo nibwe nimohi ahali miyo Yehova.>>

Unawonga gu miyo Yehova uusakannye, uuwombile wagali mmbani mwa mmawo eto unaukamiheda. Kuove weyo Jako namalaba waga wenno unamuziveliwa miyo eto duusakunlre miyo.