Versets bíblics populars de Izaiya 40

Comparteix

Unoalimbiha aliba waheya eto ale kavutile unoawendjeda kopolo.

Masiki azombwe anofiyeda waheya, aliwa mala goma. Masiki azombwe anogwagwaduwa na mwasa omaleliwa kopolo. Mbwenye anno anamudediha Yehova anowatchela kopolo dixa. Anoza kavave nnga kakozi. Anoza katamange eto kahawaheyege. Anoza kawendege eto kahagomege.

Kodi we kuiziwile? Kodi we kunavwe? Yehova gu Mulugu wa mukalakala, Namapandutcha wa ilambo yatene ya vati. Liye kanawaheya eto kanagoma. Kalivo uiziwile onelramo waye watene.

Anavweya mazu okuwa oira: <<Sakanyedani rampa wa Yehova mukokolani. Wongolani ndila muisalesaleni ira Mulugu wehu avire.

Malatchi anonyala eto folori nnovareya mbwenye mazu a Mulugu wehu anakala kala no kala.>>

Era eno, undimuwa wa Yehova unoza uoneyihiwe. Atu atene anoza kaone undimuwa waye vamohi. Mwasiwa Yehova mwinnya guwongile jatene eji.>>

Mwemo munafwanyeya mapedi odiha munoza muvuheleliwe. Mwango na mikuma datene nnoza ditonde. Ndila datene dotimbeya nnoza disakanyediwe pama. Jitukutuku jatene jinoza jikale razo.

Liye unoza akumbuze nikuru naye nnga namakumbuza unakumbuza liye mabilaye. Unoza agumanihe ana mabilaye, aakumbarelaga, aatukulaga na mandaye. Unoza aasogolrelre mofwaseya mabila okana ahima owamwa.

Muvenyihe meswinyu, muing'ane zulu. Bani upandutchile nyenyedi nnaona nyo do? Gwenno unatanda nyenyedi nnga nikuru na anyakondo. Unafiyeda mwezo oitana kada nyenyedi na nzina naye naye. Muwari mwa kopolo dilukulu dohokala da masika dinna liye, kilivo nyenyedi imohi inadjombavo.

Yapandutchiwe na wenno ugaratile vazulu va ilambo yorungunuwa ya vati ila. Unaaona atu a mwilamboni ya vati nnga miserebo. Unatanda ilambo yatene ya zulu nnga mutu atandaga nipawu. Unatanda zulu nnga mutu atandaga musasa waye ira akalemo.

Mwaawandele mofwaseya atu anakala Jeruzalemu eto mwaalaleye ira uzari wewa uhumala. Jotega jiwa jihikurumuweliwa. Mwasiwa miyo dagali Yehova dihimala aoniha goyi fendo mbinli na mwasa wa jotega jiwa.>>

Anavweya mazu oira: <<Kakuwa!>> Miyo fuka ira: <<Dikuwe nni?>> Mazwale aliwa wakula ira: <<Kakuwa ira atu atene ba malatchi eto riya wewa watene unakala nnga folori da mukokolani. Malatchi anonyala eto folori nnovareya na mwasa wa nipevo Yehova nnaombiha liye. Na ibaribari atu ba malatchi.

Kaing'anani, Nabwiya Yehova unaza na kopolo daye eto unatonga na muwono waye. Azaga unozana jitambilrile liye. Jiganyalrile liye jinakala na liye.

Mulugu wenyu unawonga ira: <<Mudidilihe, mudidilihe mirima da atwaga.

Bani uwandile pima mahindje matene a bara mmandani mwaye? Bani upimile ira lapa wa zulu ukale lapa wa ndanda naye? Bani uwandile pima teya yatene ya ilambo ya vati na kopo? Bani uwandile pima nyemela wa mwango na mikuma datene na balansa? Bani uwandile onelramo joumbuwela ja Munemba wa Yehova? Bani uwandile muwandela zelru? Kodi Yehova anvepile ani zelru ira aiziwe jengo? Bani umuiziwihile Yehova yengo? Bani umufundjihile matongelo a ibaribari? Bani umufundjihile iziwa jengo? Bani umuwandenle ndila yoonelramo jengo?