Versets bíblics populars de Izaiya 11

Comparteix

Munemba wa Yehova unoza akale na liye, agali Munemba ovaha zelru no onelramo, Munemba ovaha jowelruza na kopolo, Munemba ovaha iziwa jengo no muova Yehova. Muova Yehova tchi yengo inafuna kala yomuhagalaliha. Liye kanatonga mohara riya wa mutu. Eto liye kanatonga milandu muwari mohara jengo jovwa.

Inoza ipwete yopwetela ya nigodo na Jese, ikala tambi inafuna pweta mmutchitchini mwaye.

Mbwenye liye unoza atongege mwapama ira osimela kakayena ili yewa. Unoza atongege milandu da atu osimela mohoing'ana kove. Mazu okumela wanoni waye anoza kakale nnga golromondo yoabubudana atu a mwilamboni ya vati. Liye aroma tonga, atu otakala anoza kapiwe mowonga mwaye.

Upama unoza ukale sintu nili mmwinini mwaye, eto roromeleya unoza ukale sintu nnafuna liye wara.

Kaviza vikala yengo yoporotcha owu yengo yomunonga mutu va mwango otchena watene wa Mulugu, mwasiwa atu atene a mwilamboni ya vati makalelo anafuna atu muiziwa Yehova anokala nnga makalelo mahindje anazala atu bara.

Mwanambwa wa mukokolani unoza akalege vamohi na mwana nibila. Nyarugwe unoza agonege vati vamohi na mwana mbuzi. Mwana ng'ombe na podogoma na mwana ng'ombe yoruva anoza kawendege vamohive. Eto mwana mung'onong'ono gunafunege akumbuza.

Siku neno mwene muxa okumela mutchitchi wa Jese unoza akayena ionihedo para atu a malogo matene, atu atene anoza kanfukedege eto nimburo naye novuma nnoza nikale nokana undimuwa.