Versets bíblics populars de Daniyeli 3

Comparteix

Evale Sadaraki, Mezaki na Abedenego kohomuwakulaga mwene Nabukodonozore keraga: <<So mwene, hiyo kaninna mazu ovivunela anafuna hiyo wonga zela eji! Hiyo navokediwa muhofuni mwa munlo ohindetchetcha, nihikana ibaribari ira Mulugu wehu wenno unamulaba hiyo unowanda nivunela. Liye eto gunafuna nivunela mmandani mwenyu, so mwene! Mbwenye masiki Mulugu wehu ahanivunele, inafwanela muiziwe so mwene ira hiyo kannaalaba amilugu enyu nne kannatamalela ikwamutu yosema ya oru yenno iimetchile nyo.>>

Evale liye ohowongaga eraga: <<Miyo mbwenye daing'anamo, nnaonamo atu annayi kagali ohomangiwene kawendawendaga mmunloni mwemule eto nne kilivo yabure inaafwanya. Eto makalelo a mutu wanennayi nnamuona miyo unakala nnga mwana mmohi wa amilugu!>>

Evale mwene Nabukodonozore ohowongaga eraga: <<Atamaleliwe Mulugu wa Sadaraki, Mezaki na Abedenego wenno umurumile mungelro waye, aza aawombola anamalaba aye anno kamuroromenle liye. Tchoira kohofiyeda konda yenno yawongile mwene, aliwa fiyedaga vivelela maningo ewa, hiyaniha no tamalela mulugu mmohiwene ahali Mulugu wewa!

Na miyene eto nnafuna dikumihe nlamulo. Nlamulo niwa ti ni: Mwindji watene, malogo matene, atu a viwongelo datene, mutu wenno unawonge mazu abure wa Mulugu wa mulombwana Sadaraki, Mezaki na Abedenego, inafwanela agwadanyiwe yano yano eto nyumba yaye inomala bwanyuliwa. Mwasiwa kaliwo mulugu mmohiwa unawanda nvunela mutu na makalelo anna!>>