Versets bíblics populars de 2 Amwene 6

Comparteix

Evale Elizewu oholobelaga awongaga eraga: <<Yehova, nnouvepani muhule meso aye ira aone.>> Evale Yehova ohulaga meso a muzombole. Muzombole againg'anne, ohoonaga kavalo dohokala da masika da munlo vamohi na aaterelado ohokala a masika a munlo mwango watene wenne, jagamuwerewerile Elizewu.

Evale Elizewu ohomuwakulaga eraga: <<Kuove. Tchoira ale anafwanyeya na hiyo kohoindjiva akwaranya ale anafwanyeya na aliwa.>>

Mmetcheloni muwa, namalaba wa mutu wa Mulugu ule agavenyile na mabebehene, agakumile, ohoonaga nikuru na anyakondo nagamanle irindja sidadile kagali vamohi na kavalo dewa vamohi na aaterelado ewa a kondo. Evale ohodowaga muwandela mbwiyaye Elizewu, liye ira: <<Nihikwa mbwiyeni! Kodi nnafuna niire avi?>>

Mwa enne akuda Siriya ale kagazile wa Elizewu ira kamuhinde, Elizewu oholobelaga wa Yehova, liye ira: <<Yehova nnouvepani ira mwaafunge atwala meso ewa ira kahaonege.>> Evale Yehova ohofunga meso a anyakondo a aSiriya ale nnga mwemo mwavepile Elizewu.

Evale Elizewu mutu wa Mulugu ule ohonfukaga eraga: <<Imorele vavi?>> Evale liye agamutonyihedile vevo vamorele mbazo ile, Elizewu ohogwadaga mwana imiri, liye vokeda vevo vamorenlege atu. Mwa enne mbazo ile yohoroma mbelruwa.

Mbwenye kakakatagave enne, mutu mmohi mbazo yannaga liye yohokuleyaga, aliwa dowa morela mwiko. Evale mbazo ile yagamorenle mwiko, liye ohokuwaga awongaga eraga: <<Dihikwa miyo mbwiyeni! Mbazo tchali yaga, dere boliha.>>

Noira enne, Elizewu ohomuwandelaga, liye ira: <<Katukula.>> Evale liye ohotapulaga ndanda naye, liye itavula.