Versets bíblics populars de ZIA YÃ 8

Comparteix

Kɛ̀ Sãnɛ Bↄ̀rↄ kãɛ'ↄ swɛɛplaadee gò, ludambɛɛ kɛ̀ kítikiti lán minti baaakuri taka bà.

À káakudee a kãkãki pɛ̀, ben wà lougbɛ kↄ̃n tɛ́o kakↄ̃ana kↄ̃n aruo kù tↄↄtɛa. Tↄↄtɛ lɛo aagↄ̃dee tɛ́ kũ̀, línↄ lɛo aagↄ̃dee tɛ́ kũ̀, sɛ̃̀ ísi tɛ́ kũ̀ míↄmiↄ.

Ben ma kúu è èe vĩaa musumusu. Má mà à wii gbãaa lɛ̀ à bè: Wãiyoo, wãiyoo, wãiyoo gbɛ̃ kɛ̀ aↄ̃ↄ kú tↄↄtɛnↄ malaika gↄ̃ↄn aagↄ̃ↄ kɛ̀ aↄ̃ gↄ̃̀ pìnↄ kãkãki'ↄ kɛ̀ eé bↄ yãnzi.

Malaika plaadee a kãkãki pɛ̀, ben pↄ́ tɛ́dee bↄ̀ à sì ísiaan lán kpii bíta bà. Ísia lɛo aagↄ̃dee lì aru ũ

Malaika aagↄ̃dee a kãkãki pɛ̀, ben sↄsↄnɛ bíta kɛ̀ èe tɛ́ kũu lán sɛ̃̀tɛ bà bↄ̀ ludambɛ à lɛ̀ɛ à dà swaanↄ kↄ̃n bianↄ lɛo aagↄ̃deela. Sↄsↄnɛ pì tↄ́n Sɛwɛɛ. Í lɛo aagↄ̃dee lì sɛwɛɛ ũ, ben gbɛ̃ kɛ̀ aↄ̃ í pì mìnↄ gàga pari à kyã̀kyã yãnzi.

Malaika siigↄ̃dee a kãkãki pɛ̀, ben wà ↄfãntɛ̃ lɛo aagↄ̃dee lɛ̀ kↄ̃n mↄvura lɛo aagↄ̃deeo kↄ̃n sↄsↄnɛnↄ lɛo aagↄ̃deeo, lɛ aↄ̃ lɛo aagↄ̃de sia kũ yãnzi. Ben fãantɛ̃ lɛo aagↄ̃dee gↄ̃̀ gupuraa sai, lɛn à dɛ lɛ gwãavĩ dↄ.