Versets bíblics populars de YAASINƆ 3

Comparteix

Ǹ Dii náanɛ kɛ kↄ̃n nↄ̀sɛo do, ǹton gbãaa kpá n zĩnda dↄ̃naaro. Ǹgↄ̃ à dↄ̃ n yãpingikɛna guu, eé zɛ́ poronnɛ súusu.

Ǹton n zĩnda gwa ↄ̃ndↄ̃dee ũro, ǹgↄ̃ Dii vĩa vĩ ǹ kɛ̃ yã zaaaa.

Ǹ bɛ̀ɛ lí Diinɛ kↄ̃n n auzikio kↄ̃n n bura pↄ́ káakunↄ píngi, pↄ́wɛɛ é n dↄ̃̀ pa ai àgↄ̃ kwɛ́ɛ, n lo ìsinↄ é pa yɛ́lɛlɛ kↄ̃n geepiwɛ̃ dufuo.

Gbɛ̃kɛ kↄ̃n náanɛo tón kɛ̃mmaro, ǹgↄ̃ dana kã̀mbɛɛ ũ, ǹ kɛ̃ n swɛ̃̀a lán wè pↄ́ kɛ̃ walaaa nà

Ma nɛ́, tó Dii e n totoo, ǹton dↄkɛ à yãoro, tó à kpã̀kɛ̃nzi, ǹton tó à kɛnnɛ ĩiro. Zaakɛ gbɛ̃ kɛ̀ Dii yezin è toto, lán de è kɛ a nɛ́ kɛ̀ kɛ̀nɛ maaanɛ nà.

Ma nɛ́, ǹton tó ma yãdannɛna sãnguro, ǹgↄ̃ yã kɛ̀ má dìɛnnɛɛnↄ kũna n swɛ̃̀n. Zaakɛ eé n ká wɛ̃̀ndi gbã̀aa, eé aafia kaarannɛ.

Aubarikadeen gbɛ̃ kɛ̀ ↄ̃ndↄ̃ↄ lè à kũ̀ à dↄ̃na è à pàpa ũ. Zaakɛ à àre vĩ dɛ kondogila, è kaarana kɛńnɛ dɛ vurala. À bɛ̀ɛ vĩ dɛ gbɛ̀baila, pↄ́ kɛ̀ ń à nii vĩinↄ kee e ká à ũro.

Tó n ↄↄ e n kpɛɛ lee, gbɛ̃ kɛ̀ dɛ ǹ à maaa kɛnɛ, ǹton gí kɛnɛziro.

Dii gonikɛɛ guu à tↄↄtɛ kàɛ, à ↄ̃ndↄ̃ↄ guu à musu kɛ̀.