Versets bíblics populars de YAASINƆ 11

Comparteix

Gbɛ̃ntee aubarikadee é nnaa ma, gbɛ̃ kɛ̀ è ń pↄ́yĩi kũ é pↄ́yĩi e se.

Gbɛ̃ kɛ̀ è gbaa daa è kaarana e, gbɛ̃ kɛ̀ gì pↄ́ kɛ̀ dɛ à kpá kpázi è gↄ̃ takaasimmɛ.

Zĩndasɛna lezĩ è mↄ́ wíyão, zĩndabusanan ↄ̃ndↄ̃yã ũ.

Dↄn'aɛdesaikɛɛ è tó gbɛ̃nↄ fu, yãkɛkɛri pariinↄ è tó wà zĩ̀ ble.

Gbɛ̃ maa yãkɛnnɛna nɛ́ lí wɛ̃̀ndideemɛ, gbɛ̃ kɛ̀ è gbɛ̃nↄ ee ↄ̃ndↄ̃ↄ vĩ.

Kↄmↄtↄdee è bↄ asiiyão gupuraaa, gbɛ̃ náanɛdee è ń asii ta.

Sùudee è maaa i a zĩndanɛ, gbɛ̃ pãsĩ è a zĩnda kpá nawɛ̃azi.

Gbɛ̃ kɛ̀ è a auziki náanɛ kɛ é lɛ́ɛ, gbɛ̃ maaa è ↄ tá lán lí ládee bà.

Auziki àre vĩ yãkpaɛkɛgurↄↄ zĩro, yãkɛna a zɛ́a sↄ̃ è ń sí gaaa.

Gbɛ̃ maaa nↄ̀sɛpuraa è a da zɛ́a, náanɛsaidee nↄ̀sɛ zaaa è à yaka.

Lán vura tãnga dɛ nà alɛdɛ yĩn, lɛn nↄ maa ↄ̃ndↄ̃saidee dɛ lɛ.

Dii zà pↄ́yↄ̃na kↄ̃n mↄnafikion, kilooyↄ̃na súusun à yezi.