Versets bíblics populars de NAANA 32

Comparteix

Ben à bè: Weé bennɛ Yakubu dↄro, séde Isaraili, zaakɛ n ↄsi kà kↄ̃n Ludao kↄ̃n gbɛ̃nteenↄ, ben n ↄsii nɛ̀.

Gↄ̃gbɛ̃ pì bè: Ǹ ma gbarɛ, zaakɛ guu e dↄↄ. Ben Yakubu bènɛ: Tó èe kɛ ǹ aubarika damagu baasiro, mɛ́ n gbarɛro.

Yakubu gↄ̃̀ ado, ben gↄ̃gbɛ̃ ke mↄ̀ èe ↄsi kaao ai guu kà dↄna.

Yakubu tↄ́ kpà guu pìnɛ Pɛniɛli, zaakɛ à bè: Wa wɛ́ɛ sìkↄ̃lɛ kↄ̃n Ludao, ben mɛ́ɛ garo.

Kɛ̀ gↄ̃gbɛ̃ pì è é fↄ̃ à à nɛ́ro, à à lɛ̀ a gisipɛkↄ̃rɛkiia, ben à gisi bↄ̀kũn ↄsikana pì guu.

Gↄ̃gbɛ̃ pì à là à bè: N tↄ́n diaa? À wèàla à bè: Ma tↄ́n Yakubu.

Yakubu bènɛ: Ǹ n tↄ́ omɛ se. A wèàla à bè: Bↄ́yãnzi nɛ́ɛ ma tↄ́ gbekaazi? Ben à aubarika dàn gwe.

N gbɛ̃kɛɛ kↄ̃n náanɛ yão kɛ̀mɛ maamaa ma bɛ̀ɛ e káro. Gurↄↄ kɛ̀ ma bikũ Yodaa, gò bé à na ma ↄzĩ ado. Tia sa ma su kↄ̃n auziki lɛo plaaa kɛ̀nↄ.

Bee yãnzi ai gbã̀a Isarailinↄ è nↄ̀bↄ túgisi sóro, kɛ̀ Luda Yakubu lɛ̀ à túgisia yãnzi.

Ben à adua kɛ̀ à bè: Dii, ma dezi Ibraĩ kↄ̃n ma de Isaakuo Luda, ń òmɛ mà su ma bùsun ma danɛnↄ kiia, nɛ́ aubarika damagu.

Ma wɛ́ɛ kɛ̀mma ǹ ma sí ma vĩ̀ia, zaakɛ mɛ́ɛ vĩa kɛɛnɛ kɛ̀ eé sí wa tɛ́ à nↄgbɛ̃nↄ kↄ̃n nɛ́nↄ dɛdɛ yãnzi.