Versets bíblics populars de Lik 3

Comparteix

Kɛ be ´yo sran'm be kwlaa be batɛm'n, be yoli Jésus kusu wie. Kɛ ɔ nin Nyanmiɛn be ´ijɔ'n, nyanmiɛn su lɔ'n tili muaan, yɛ Nyanmiɛn Wawɛ'n jrɛli i su kɛ auble sa. Yɛ be tili sran kun nɛn nyanmiɛn su lɔ, sran sɔ'n ɔ seli kɛ: «A ti min anwlɛn su Ba, ɔ́ su yɛ m'an fa ń wla'n kwlaa a gua-a .»

«N liɛ'n, n yo amun batɛm nzue'n nun, sanngɛ sran ng'ɔ lɛ nyrun tra min'n ɔ su ba, min nin i ngbabua nyanman'n i nyannjilɛ fata-man.

An `yo sa kpa b'ɔ kle kɛ amu'an kaci amun nzuɛn'n, kɛ waka kpa su mma kpa'n sa. Nán an bu amun anwlɛn'n nun se kɛ: ‹E nannan yɛlɛ Abraam!› Afin n ´kan kle amun kɛ Nyanmiɛn kwla fa yɛbuɛ nga mun kaci Abraam mma mun.

Kpɛliɛ'n ɔ'a kan waka olui'n, ɔ man waka kwlaa nga i mma'n ti-man kpa'n, be ´kpɛ guɛ i sin'n nun.»

Kɛ ɔ yoli sɔ'n, ɔ man ndɛ nga Nyanmiɛn nuan ijɔfuɛ Ezai klɛli i i fluwa'n nun'n, ɔ kpɛnnin su. Ɔ seli kɛ: «I yɛ ɔ kpan aawlɛ flɛnnɛn nun lɔ nin-ɔn, ɔ se kɛ: An `siesie e Min'n i akpɔ'n, An `yo i atin'm be seiin, an `treke su. Be ´tannintannin kongo'n kwlaa. Be ´tutu oka nin kpɔlɛ'm be ngba. Yɛ be ´tinngɛ-tinngɛ atin bɔ be ti klɛklɛ'n. Atin nga b'a saci'n, be ´yo be kpa. Yɛ sran'm be kwlaa be ´wun delɛ nga Nyanmiɛn ´fa de be'n .»