Versets bíblics populars de Ima̍aki 4

Comparteix

Iji̍sɔ̄ɔsi nīichō ɔpɔ̄ɔpɛ̄, ka tāa ahuhu ɔnɔ̄kɔ̄kū ba̍la a̍kpa̍yēenyi ɔla̍ā hīka, “Chāa! Ala̍ ā gboba̍!” Ahuhu pi̍ye̍mā i̍ngɔ̍ɔ du̍mɔ̍. Ɛbɛ hīya i̍ngɔ̍ɔ brɛɛ ɔpɔ̄ɔpɛ̄. Iji̍sɔ̄ɔsi da wa̍ bɛ̍ɛ̄nɛ̄ hīka, “Ohu̍ yī oji̍ nīi ala̍ ē tūuhwi ma̍/? O̍ re̍ka ala̍ i̍ de ɔtū che Ɔwɔ ni̍?”

A̍chi̍kpo̍ yī nū de kpo̍ tūuhwi ɔlamu-ɔlamu. E̍ chōo̍chē yɛ abɔ̍ɔ ē da ɔ̍nyīnū hīka, ita yī ɔ̄chɛ ɔna̍ ɔ̍lɔ u̍tu hɔ̄ ma̍ ma̍/? Ahuhu ba̍la a̍kpa̍yēenyi ɔ̍lɔ ē pɔ̍ɔkɔ yī ɔ̍lɔ ko̍ō!

Iji̍sɔ̄ɔsi ma̍ gbwɔlā abɔ̍ɔ la u̍tu yī wɔwu̍, de lɛhu̍ che la ipi̍lo. A̍chi̍kpo̍ yī nū gāa ge̍ hɛ̍ ɔ̄ eyī, da ɔ̍ hīka, “Ādā! A i̍ jo̍ōkū ni̍ ma̍, alɔ de jī mɛ̍ ko̍ō!”

O̍ gba̍a ka de wa̍ hīka, “Ala̍ darɔ̄ku lɛlā nīi ala̍ yɛ ma̍ ē po̍ ma̍! Lɔkɔ nīi a miya ɔjā de ɔ̄chɛ ge̍ ba̍ ma̍, i̍ngi̍ngɔ̍ɔ nīi Ɔwɔ ge̍ē miya ē de wɔ a̍nɛ. Iyī ala̍ ma̍ chī ge̍ē gɔ̄ga pɛtɛpɛtɛ.

Iji̍sɔ̄ɔsi gba̍a ka hīka, “I̍ngɛ̍ɛ̄nɛ̄ nīi Ɔchwɔ̄lɛ̍ Oro̍ōre̍ yī Ɔwɔ lɛ a̍nɛ. O̍ lɛ bāa lɛlā yī ɔ̄chɛ nīi mī īkpɔ̄ɔ̄chi̍ la yɛrɔ̄ ma̍. Ɔlɔjā ē pīya ge̍ē gbwɔlā la otu̍. O̍ ē hye̍ēyī, yɛ amu gāa bɛ̍ɛ̍ la yɛnɔ. Yɛ̄grāa ɔla̍ā wa̍a̍, īkpɔ̄ɔ̄chi̍ ɛla̍ā gblāa abɔ̍ɔ ē bū, jɛ̄ hwɔhi hwɔhi. Ɔlɔjā i̍ jɔ̍ɔkɔ nīi e̍ ya̍ o̍bū ma̍ ni̍.

Ɔ̄chɛ otū arɔ̄ ɔplɛ̍ɛ̄lā ge̍ po̍ bɛ̍ɛ̄nɛ̄!”