Versets bíblics populars de Ima̍aki 13

Comparteix

Ala̍ ge̍ē de ē ta̍ āchɛ anyī wu̍chē yī riyī yī u. Ɔ̄chɛ nīi ge̍ chī tū ūkpɔ̄tū i̍ngɔ̍ɔ kpɛɛ gbo̍ yɛ̄grāa ɔkwɛ̍ɛjī, ɔlɔjā ge̍ē lɛ ɔhɛ̍ta̍.

Ala̍ ā de eyī kōkū! Ala̍ ā deyīrɛ grigri! Ma̍a ala̍ i̍ je̍ yɛ̄grāa ɔ̍lɔma̍ ni̍.

E̍ ge̍ē ku̍ ala̍ ē bī ala̍ gāa lɛpɔ̄ ma̍, ala̍ e̍e hi̍yɛ̄ngura yī ɔjā nīi ala̍ ge̍ē ka ma̍ yɔbɔ̄ɔbū ni̍. Ala̍ ā ka ɛlāha̍-ɛlāha̍ nīi wā la ūkpɔ̄tū yī ala̍ yɛ̄grāa ɔla̍ā pi̍i̍ ma̍. Wu̍chē oji̍ nɛ, i̍ ala̍ ge̍ē kɛlā ɔla̍ā a̍ni̍; Uhu Ɔnɛ̄ɛhɛhi yī Ɔwɔ nīi lɛlā ɔla̍ā wa̍a̍ ge̍ē bū la abɔ̄ yī nū a̍nɛ.

Akpɔ̍ɔwɔ ba̍la ajɛ ma̍ ge̍ē chāajɛ; lɛlā yī oko̍o yī u i̍ ge̍ē chāajɛ ge̍ē gbo̍ mɛ ni̍.

“Ɔ̄chɔ̄chɛ i̍ je̍ ɔ̄chī ɔla̍ā kɛ̄ɛ yɛ̄grāa ɔla̍ā pi̍i̍ ni̍. Ayɛ̍ɛ̄chɛ̄rɔ̄ yī Ɔwɔ nīi gblāa la ichō ma̍ i̍ jo̍ōkū ni̍. Ɔyi̍ yī Ɔwɔ i̍ jo̍ōkū ni̍. Ɔwɔ A̍dā lōri̍īnū jo̍ōkū a̍nɛ.

Yɛ̄grāa nīi ala̍ ge̍ē po̍ ohu yī lɛwu̍ ɔyɛ kurɛkurɛ ba̍la wɔ̄kā yī lɛwu̍ ɔyɛ hwɛɛ ma̍, ala̍ e̍e hi̍yɛ̄ngura ni̍. Lɛlā nūma̍ ma̍ chī ge̍ē ya̍ i̍ngɔ̍ɔ. Ɔkwɛ̍ɛjī yī ɔjā wa̍a̍ i̍ chī gbajɛ we̍ ni̍.

O̍ lɛ i̍ngɔ̍ɔ ma̍, ala̍ ā deyīrɛ grigri gɛ, ma̍a ala̍ i̍ je̍ yɛ̄grāa nīi a̍dāwɔ̄lɛ̍ ge̍ē cha ma̍ ni̍! Ɔha̍ni̍ ɔ̄nɔ̄nɛ̄ nɛ oo, kɛ̄ɛ iyārōtu̍ nɛ oo, kɛ̄ɛ obūrɔ̍ɔ̄chī nɛ oo, kɛ̄ɛ ɔ̄chɔ̄chī nɛ oo! Nɛ̄ni̍, o̍ ge̍ē ku̍ ē ta̍ bū gbɛgbɛlɛ ē wā ge̍ē ma̍ ala̍ ē gbwɔlā abɔ̍ɔ. Lɛlā nīi n yɛ ma̍ ē ka ē de ala̍ ma̍, n ka de āchɛ wa̍a̍: Ala̍ ā deyīrɛ grigri!”

Ɔcha ɔha̍ ge̍ē kplɛ̍wu̍ tāa ɔcha ɔha̍. Āchɛ yī ɔchwɔ̄lɛ̍ ɔha̍ ge̍ē kplɛ̍wu̍ tāa āchɛ yī ɔchwɔ̄lɛ̍ ɔha̍. Ajɛ ge̍ē he̍ejē wɔhu̍-wɔhu̍ la ɛbɛ yɛ̄mɛ̄mɛ̄. Lɛmiyɛ ɔdwɔ̄bi̍ ge̍ē ya̍. Lɛlā nūma̍ wa̍a̍ lɛ bāa wɔma yī ɔyi̍ ɔlɔ̄lā ma̍ we̍.

E̍ chī ge̍ē de Wɔ̄kā Ɔlwɔnyɛ yī Ɔwɔ ē ka ē de āchɛ wa̍a̍ o̍bū.

Āchɛ yɛ̄mɛ̄mɛ̄ ge̍ē wā la riyī yī u ge̍ē ka hīka aɛ̍lɛ - amɔ̍lɔ nɛ, ē gla̍ āchɛ yɛ̄mɛ̄mɛ̄.

“Ala̍ ā gbō iyī ala̍! Wu̍chē oji̍ nɛ, āchɛ ge̍ē ku̍ ala̍, ē bī ala̍ ē ga ɛbɛ yī alihiyo. E̍ ge̍ē gwō ala̍ lijē la u̍nu̍ ogrēeyī yī wā. Ala̍ ge̍ē rɛ la iyɔ̄bū yī ɛgabɔ̄ ba̍la ɛchwɔ̄lɛ̍ yɛ̄mɛ̄mɛ̄ wu̍chē yī u. Ala̍ ge̍ē ka ochi̍chi̍ yī lɛlā yī u ē de wa̍.

Āchɛ ɛha̍ ge̍ē wā ge̍ē warīmɛ̄ ka aɛ̍lɛ - Ɔhɔ̍ɔnyɛta̍ Nīi Ɔwɔ Ɔ̍lɔ Hōhu Ma̍ a̍nɛ, aɛ̍lɛ - āchɛ ɔkɛrɔ̄ yī Ɔwɔ nɛ. E̍ ge̍ē yɛ̍ɛ̄lā ɔnɔ̄kɔ̄kū chabɔ̄ ba̍la i̍mamachi̍ yɛ̄mɛ̄mɛ̄, hɛ̄ɛbɛ ge̍ē gla̍ āchɛ. O̍ ge̍ yɛ ge̍ē ngmɛ̍rɛ̍ mɛ, e̍ ge̍ē gla̍ āchɛ nīi Ɔwɔ hōhu ma̍ titi.

“La ɔ̄chī ɔla̍ā, la okwi̍ihi yī akanya ɔdwɔ̄bi̍ ɛla̍ā, yɛnɔ ge̍ē de ē dobū; ɔwīyā i̍ ge̍ē fi̍yajɛ ē gɛ ni̍; i̍nyi̍nyɔ̍ɔwīyā ge̍ē ha̍ābɔ̄ kpɔ̍tɔ̍kpɔ̍tɔ̍ bū la ichō; wɔhu̍ yī akpɔ̍ɔwɔ wa̍a̍ ge̍ē he̍ejē mɔri̍mɔri̍.