Versets bíblics populars de ALIGALE̍SIYA 5

Comparteix

Ɔjā nīi Uhu yī Ɔwɔ ē ya̍ ma̍: ɔhɔtū, ɔwɔ̄wīyā, ogbodɔ̍dɔ̍, ɔtū ɔmɔ̄mla kpɔ̍ɔ̍, ɔlɛyaya, lɛhi ɔyɔ̍ɔ̄ya̍, ɔtū ode chōche, ɔlɛmlɛ̍ɛ̍, ba̍la oku̍ iyī ɔ̄chɛ bī mɛ. Lihɔ ɔha̍lɔha̍ i̍ hɔ̄ pīyeyīta̍ ɛjā eli̍ngɛ̍ɛ̄nɛ̄ nūma̍ ni̍.

I̍ngɛ̍ɛ̄nɛ̄ nīi n yɛ ē ka a̍nɛ. Ala̍ kɔ̄pɛ̄ ta̍ hɛ̄ɛbɛ nīi Uhu yī Ɔwɔ ge̍ bī ala̍ ya̍ ɛlāha̍ ɛlāha̍ wa̍a̍ la ɔhɔ̄leyī yī ala̍. Ala̍ e̍e ya̍ ɔjā nīi ɔchɔ̍ɔwɔ yī ala̍ ɛlɛjā chikpo̍ ma̍ ni̍.

Uhu yī Ɔwɔ de ɔhɔ̄leyī de alɔ mɛ̍. Anu̍ chī ge̍ē bī orī yī ɔhɔ̄leyī yī alɔ wa̍a̍ bɛ̍ɛ̄nɛ̄ a̍nɛ.

Āchɛ nīi - āchɛ yī Ikra̍yisi Iji̍sɔ̄ɔsi ma̍ de ɔchɔ̍ɔwɔ yī aa̍ ɛlɛjā ngmo̍ mɛ̍. E̍ ngmo̍ ɔ̄ ba̍la lɛlā ɔhɔ̍ɔ̄hla̍ ɔla̍ā wa̍a̍, ba̍la ɔjā nīi ɔchɔ̍ɔwɔ yī ɔ̄chɛ̄ɛchɛ ē chikpo̍ ma̍.

Ɔjā nīi ɔchɔ̍ɔwɔ yī ɔ̄chɛ̄ɛchɛ ē ya̍ ma̍ lā nyaa. O̍ ē chabɔ̄ iyī nū la ya̍chi yī lɛlā ɔyɔ̍ɔ̄ya̍, lɛlā oli̍hi̍hi̍ya̍ ɔyɔ̍ɔ̄ya̍ ba̍la a̍kpla yī lɛlā ɔyɔ̍ɔ̄ya̍. O̍ ē chabɔ̄ iyī nū la ɛchi̍yɛka nīi āchɛ ē pā ma̍ ba̍la wɔhɛ. Āchɛ ē de ē pīya ɛchɛlɛwu̍ yī ɔ̍nyīnū; e̍ ē ya̍ ɔtū ngurangura, e̍ ē nyiya lɛlā ɔnɔ̄kɔ̄kū tāa āchɛ ē de iyī aa̍ ɛlɛjā; e̍ ē de iyī wā yi̍ya mi̍ni̍mi̍ni̍ ē trīibi yɛ̄mɛ̄mɛ̄; e̍ ē tū ɔ̍nyīnū uji, e̍ ē gwa̍ ɔjā de ē wɔ̄wīyā, ē ya̍ ɔwɔ̄wīyā ɔdwɔ̄bi̍ ɔdwɔnyɛ ba̍la ita yī lɛlā ɛha̍ eli̍ngɔ̍ɔ ɛla̍ā wa̍a̍. N yɛ ē ta̍ ala̍ ɔna u̍ma̍ama lɔkɔ nīi n ta̍ ala̍ ɔna o̍bū ma̍: Āchɛ nīi ē ya̍ ita yī lɛlā eli̍ngɛ̍ɛ̄nɛ̄ ma̍, e̍ i̍ ge̍ē nāa ɔpiyɛ yī Ɔchwɔ̄lɛ̍ Oro̍ōre̍ yī Ɔwɔ ni̍.

Aɛ̍nɛ̍ yī u! Ala̍ ma̍, Ɔwɔ hī ala̍ ɛra̍ wā nīi ala̍ i̍ ge̍ē tū lɛfiyɛ ē gɛ ni̍ mɛ̍. Ala̍ e̍e chī chɛ̄ nīi lɛfiyɛ i̍tōtū ni̍ yī ala̍ nūma̍ ge̍ ma̍ ɛbɛ de ala̍ pīya afiyɛ yī a̍hla̍ yī ibi̍īyē yī ala̍ ɛlɛjā ni̍. Ɔkɔkɔ ɔla̍ā, ɔhɔtū ge̍ ya̍ nīi ala̍ ge̍ chrāa ɔ̍nyīnū ɛrɔ̄.

Wu̍chē oji̍ nɛ, ɔjā nīi ɔchɔ̍ɔwɔ yī alɔ āchɛ̄ɛchɛ ē chikpo̍ ma̍, Uhu yī Ɔwɔ i̍ chikpo̍ ni̍. Ɔjā nīi Uhu yī Ɔwɔ chī chikpo̍ ma̍, ɔchɔ̍ɔwɔ yī alɔ āchɛ̄ɛchɛ i̍ chikpo̍ yī nū ni̍. Ɛjā ɛpɛpa nūma̍ - ɛchɛlɛwu̍ gba̍a̍ nɛ. Ɔla̍ā re̍ka awɔ ɔ̄chɛ̄ɛchɛ i̍ ge̍ē ya̍ ɔjā nīi a chikpo̍ ge̍ē ya̍ ma̍ ē mɛ ni̍.

Wu̍chē oji̍ nɛ, Lihɔ yī Imo̍sīisi wa̍a̍ de lɛhu̍ che lɛlā ūkpo̍he kpo̍kpo̍: “Yɔ̍ɔhɔtū yī ɔ̍nyīmɔ̄chɛ yī wɔ bāa awɔ ɔlɔjā ma̍.”

Alɔ i̍ ge̍ē jɛ̄ ɛba̍achɛ, kɛ̄ɛ ē ya̍ ɔ̍nyīnū ɔtū ngurangura, kɛ̄ɛ ē kpi̍ya̍nya ē tāa ɔ̍nyīnū gɛ ni̍.

Ala̍ i̍ hɔ̄ lɛfiyɛ yī ɔ̄chɔ̄chɛ gɛ ni̍ ke̍e̍ mɛ̍! Ikra̍yisi de alɔ hīya lɛfiyɛ mɛ̍! Ala̍ ā yarɛ brii bāa āchɛ nīi i̍ hɔ̄ lɛfiyɛ gɛ ni̍ ma̍ gɛ. Ala̍ ā ya̍ i̍ngɔ̍ɔ hɛ̄ɛbɛ nīi ala̍ ge̍ e̍e gba̍a tu̍ hī iyī ala̍ tū lɛfiyɛ ɔha̍lɔha̍ gɛ ni̍.