Versets bíblics populars de ALƐ̍FƐ̄SUSI 2

Comparteix

Ɔwɔ ya̍ alɔ a̍nɛ. La ɔtū ngmo̍tu̍chɛ̄ yī alɔ ba̍la Ikra̍yisi Iji̍sɔ̄ɔsi, Ɔwɔ ya̍ alɔ nīi alɔ ge̍ē hɔ̄leyī ē yɛ̍ɛ̄lā ɔnɛ̄ɛhɛhi yɛ̄mɛ̄mɛ̄ nīi anu̍ ɔlɔjā de lā nīi alɔ ge̍ē ya̍ ma̍.

Wu̍chē oji̍ nɛ, bū la uhwa ɔnɛ̄ɛhɛhi yī Ɔwɔ nīi ala̍ lɛ ɔhɛ̍ta̍ la ɔtū ode che Iji̍sɔ̄ɔsi Ikra̍yisi a̍nɛ. I̍ ɔjɔ̄jā nīi ala̍ ɛlɛjā ya̍ ma̍ - ohu̍ a̍ni̍; Ɔwɔ ya̍ i̍ngɔ̍ɔ kɔ̄kɔ̄ ke̍e̍ de ala̍ a̍nɛ. Bū la ɛbɛ ɔla̍ā, ɔjɔ̄jā i̍ hɔ̄ nīi ɔ̄chɔ̄chɛ ge̍ē bī gbogū ni̍. Wu̍chē oji̍ nɛ, i̍ ɔjā nīi ala̍ ɛlɛjā ya̍ ma̍ - ohu̍ a̍ni̍.

Lɛha̍ ɔmɔ̍ɔ̄ma̍ yī Ɔwɔ chī mwɛbɛ kpɛ̍ɛji! Ɔhɔtū nīi o̍ lɛ la alɔ ma̍ chī lɔ̄kū gba̍a̍! Bū la ɔla̍ā, alɔ ko̍ōku̍ i̍ngɔ̍ɔ nyaa wu̍chē yī wɔbi̍ lɛlā yī alɔ ma̍, Ɔwɔ chōo̍chē de alɔ bī wā la ɔhɔ̄leyī ba̍la Ikra̍yisi. Bū la uhwa ɔnɛ̄ɛhɛhi yī Ɔwɔ nīi ala̍ lɛ ɔhɛ̍ta̍ a̍nɛ.

Bū la otū ngmo̍tu̍chɛ̄ yī alɔ ba̍la Ikra̍yisi, Ɔwɔ de alɔ hye̍ēyī la okū ba̍la Ikra̍yisi. O̍ ya̍ i̍ngɔ̍ɔ hɛ̄ɛbɛ nīi alɔ ge̍ē deyīrɛ ɛbɛ ē tāa anu̍ abɔ̍ɔ la ichō la ɛbɛ nīi uhu ē bī wɔhu̍ yī ɛbɛ ma̍.

Bū la ɛbɛ ɔla̍ā, ala̍ Ɛchɛkɔcha i̍ re̍ka o̍dūgbɔnyɛ kɛ̄ɛ āchɔga gɛ ni̍. U̍ma̍ama ma̍, ala̍ - alipwo̍gra ūkpo̍he ba̍la āchɛ yī Ɔwɔ bɛ̍ɛ̄nɛ̄ nɛ. Ala̍ - alwɔlɛ̍ yī Ɔwɔ bɛ̍ɛ̄nɛ̄ nɛ Ala̍ titi e̍ gwo̍ ala̍ ogwo̍ōgwo̍ bāa wɔlɛ̍ ma̍ che la ichō yī u̍tu yī wɔlɛ̍ nīi alɛrɔ̄ yī Ikra̍yisi ba̍la āchɛ ɔkɛrɔ̄ yī Ɔwɔ de tū la ajɛ ma̍. Ikra̍yisi Iji̍sɔ̄ɔsi ɔlɔjā re̍ka achɔ̄ ɔlamu-ɔlamu ɔkwɔ̍lɛ̍ bī a̍nɛ.