Versets bíblics populars de 11 ALIKƆ̍RĪNTI 5

Comparteix

Ɔ̄chɛ ge̍ tū ba̍la Ikra̍yisi mɛ̍, ɔlɔjā de ē pīya ɔ̄chɛ onīpīpɛ̄ wa̍a̍ ligbo̍-ligbo̍. Ɔnɛ̄chɛ̄ ē pīyēbi̍ ke̍e̍; onīpīpɛ̄ yī nū wā hɔ̄ aa̍ bɛ̍ɛ̄nɛ̄ a̍nɛ.

Ikra̍yisi ɔlɔjā i̍ tū abi̍ ni̍ lachi̍lachi̍. Wu̍chē yī alɔ, Ɔwɔ ya̍ ɔ̄ nīi o̍ tū la lɛlā ɔdwɔ̄bi̍ yī alɔ āchɛ̄ɛchɛ, hɛ̄ɛbɛ nīi alɔ ge̍ē bɔ̍ɔ̄ba̍ de ē lɛ kpakpa la eyī Ɔwɔ ɔlɔjā bū la ongmo̍tu̍chɛ̄ yī alɔ ba̍la Ikra̍yisi.

Ɔhɔ̄leyī yī alɔ - iyī ɔtū ode chōche nɛ, i̍ iyī ɔma̍ la eyī ni̍.

Lɛlā nūma̍ wa̍a̍, Ɔwɔ ya̍ a̍nɛ. Ɔwɔ de alɔ nīi - aluji yī nū o̍bū ma̍ pīya aɛ̍ɛya anu̍ ɔlɔjā gala abɔ̄ yī Ikra̍yisi. Bɛ̍ɛ̄nɛ̄ ma̍, o̍ wā ge̍ de u̍ku̍rɔ̍ nūma̍ de alɔ nīi alɔ ge̍ē ku̍ āchɛ ɛha̍ lɛya ē de ɔ̍ titi. Ɛrɔ̄ nīi alɔ yɛ ē ka ma̍ re̍ka, Ɔwɔ yɛ amu ē ku̍ āchɛ lɛya gala abɔ̄ yī Ikra̍yisi mɛ̍. Ɔwɔ i̍ de lɛlā ɔdwɔ̄bi̍ yī wā lā abɔ̍ɔ ga̍nū ni̍. Ɔkɔkɔ ɔla̍ā, o̍ tū alɔ ɛrɔ̄ lɔkɔ nīi o̍ ē ku̍ āchɛ lɛya ma̍.

Ala̍ ma̍ gɛ! Alɔ yɛ ma̍ ē kɛlā de ala̍ kulɛhu̍ yī Ikra̍yisi mɛ̍. O̍ de ya̍ bɔ̄ɔjā nīi Ɔwɔ ɔlɔjā yɛ ē ta̍ ala̍ ɔna yī lɛlā gala abɔ̄ yī alɔ a̍nɛ ma̍. Ala̍ chu̍chu̍u, alɔ ra̍ābɔ̄ de ala̍ kulɛhu̍ yī Ikra̍yisi! Ala̍ ā pi̍ye̍mā nīi Ɔwɔ ge̍ de ala̍ pīyabɔ̄ta̍ bū la aluji yī nū ga aɛ̍ɛya anu̍ ɔlɔjā gɛ.

Ikra̍yisi pīyaku̍ wu̍chē yī āchɛ̄ɛchɛ wa̍a̍ hɛ̄ɛbɛ nīi āchɛ ɛla̍ā nīi de wōwi ma̍ i̍ ge̍ē hɔ̄leyī de iyī aa̍ ɛlɛjā gɛ ni̍; e̍ ge̍ē hɔ̄leyī de anu̍ nīi pīyaku̍, gba̍a hye̍ēyī la okū wu̍chē yī wā ma̍. Wu̍chē yī ɔla̍ā, alɔ i̍ ē myɛ̍ma̍ yī lɛlā ji gala ɔgu nīi alɔ āchɛ̄ɛchɛ ē myɛ̍ma̍ yī lɛlā ma̍ ē gɛ ni̍. Alɔ mɔ̍ɔ̄myɛ̍ma̍ yī lɛlā yī Ikra̍yisi gala ɔgɔgu lɔkɔ nīi alɔ āchɛ̄ɛchɛ ē myɛ̍ma̍ yī lɛlā i̍ngɔ̍ɔ je̍ nyaa ma̍, alɔ i̍ yɛ ē ya̍ i̍ngɔ̍ɔ ē gɛ ni̍.

U̍ma̍ama, alɔ wa̍a̍ jo̍ōkū hīka Ikra̍yisi ɔ̄chɛ ūkpo̍he pīyaku̍ wu̍chē yī āchɛ̄ɛchɛ wa̍a̍ a̍nɛ. Ɔla̍ā re̍ka āchɛ̄ɛchɛ wa̍a̍ ma̍ ɔpīyaku̍ ɔla̍ā tāa anu̍. Ɔhɔtū nīi Ikra̍yisi lɛ la alɔ ma̍ ē gbō alɔ a̍nɛ.