Versets bíblics populars de 1 Alikɔ̍rīnti 9

Comparteix

Āchɛ wa̍a̍ nīi gblāa la ita yī īrɛ̄ nūma̍ ongōngū ma̍ ē yɛ̍ɛ̄lā bāa ɔkɛ̍mɛ̍kɛ̍mɛ̍ ma̍. E̍ ē ya̍ i̍ngɔ̍ɔ hɛ̄ɛbɛ nīi e̍ ge̍ē nāa lɛkā oli̍hi̍hi̍ ɔha̍ nīi e̍ kɔ̄ de āchɛ nīi ga la īrɛ̄ ɔha̍ ɔyɔ̍ɔ̄ya̍ ma̍. Ɔjā ɔla̍ā nīi e̍ ē nāa ma̍ i̍ chī ri̍yɛchɛ ni̍. Iyī alɔ ma̍ onīi ge̍ē ri̍yɛchɛ kpɛɛ ku yɛ̄grāa ɔha̍lɔha̍ ma̍ nɛ. Ɔla̍ā - ohu̍ nīi ami ē rɛ̄ɛnya yī u kpɛɛ ge̍ē chɛ̄ la ɔbɔ̍ɔ̄ba̍ yī ɔgu la ɛbɛ nīi ɛnya ge̍ē ba̍ ma̍ a̍nɛ. N lɛ bāa ɔ̄chɛ ɔtrɛ̍ɛ̄kū nīi lɛkū yī nū i̍ ē mwajɛ ni̍ ma̍.

N ē mlɛkū gwō tū ibi̍īyē yī u wɔhu̍ wɔhu̍, kpɛɛ nīi o̍ je̍ ɔ̄chɛ nīi - abā yī nū ma̍. Wu̍chē oji̍ nɛ, bāa ɔ̄chɛ nīi hī āchɛ ɛra̍ yī ahu̍ ɛnya ma̍, n i̍ chikpo̍ nīi e̍ ge̍ hi̍hi̍yo̍ yī u ni̍.

Je̍ka aa̍ ala̍ jo̍ōkū hīka e̍ ge̍ yɛ ē ta̍ahu̍ yī ɛnya ɔrɔ̄rɛ̄, alɛnya wa̍a̍ ē rɛ a̍nɛ; ɔ̄chɛ ūkpo̍he kpo̍kpo̍ ē chī ga nīi e̍ ē kɔ̄ ɔjā de ɔ̍ a̍nɛ. Ala̍ titi, ala̍ rɛ̄ gba̍a̍ gɛ, hɛ̄ɛbɛ nīi ala̍ ge̍ ga, gbɔjā.

N ge̍ chī yɛ ba̍la āchɛ nīi i̍ lɛ brii la ɔtū ode che Ɔwɔ ni̍ ma̍, n ē de ē lɛ kwīkwī bāa aa̍ ma̍, hɛ̄ɛbɛ ge̍ē bī āā wā dikpo̍ ē ba̍ Ɔwɔ. Lēchi̍, n ē de iyī u ē pīya ɔjāha̍ ɔjāha̍ wa̍a̍ ē mi̍yɛ̄gbla yī ita āchɛha̍ āchɛha̍ wa̍a̍, hɛ̄ɛbɛ ge̍ē hɛ̍ āchɛ ɛha̍ yī wā ta̍ gala ɔpɔ̄pū ɔha̍lɔha̍ wa̍a̍ nīi ge̍ ngmɛ̍rɛ̍ mɛ ma̍.