Versets bíblics populars de 1 Alikɔ̍rīnti 6

Comparteix

Je̍ka ibi̍īyē yī wɔ ɔla̍ā re̍ka u̍nu̍ yī Uhu Ɔnɛ̄ɛhɛhi nīi Ɔwɔ de de wɔ nīi tū abɔ̍ɔ la awɔ ma̍ a̍nɛ? Awɔ u̍tu - ɔ̄chɛ yī awɔ ɔlɔjā nɛ. Je̍ka aa̍ awɔ - ɔ̄chɛ yī Ɔwɔ nɛ? Ɔwɔ ra̍ wɔ ɔrɔ̍ɔ̄ra̍ la ɔjā. Wu̍chē yī ɔla̍ā, ala̍ bī ibi̍īyē yī ala̍ ya̍ lɛbɛ nīi rīgā ge̍ iyī Ɔwɔ.

Je̍ka aa̍ ala̍ jo̍ōkū hīka āchɛ nīi ē yɛ̍ɛ̄lā abi̍ ma̍ i̍ ge̍ē nāa ɔpiyɛ yī Ɔchwɔ̄lɛ̍ Oro̍ōre̍ yī Ɔwɔ ni̍. Āchɛ ɔya̍chi yī lɛlā, kɛ̄ɛ la̍ ɔ̍bɔ̍ɔ̄nyā, kɛ̄ɛ āchɛ ɔpā ɛchi̍yɛka, kɛ̄ɛ anāngrɔ̄ɔ ke̍e̍ ba̍la anyānyā ke̍e̍ ogbo tāa ɔ̍nyīnū chikpo̍ yī ɔ̍nyīnū, kɛ̄ɛ āchɛ okpo̍ ɛjā yī āchɛ wɔhu̍ wɔhu̍, kɛ̄ɛ āchɛ ɔya̍ ānyānyi, kɛ̄ɛ āchɛ ɔgwɔ̍ɔ̄jā ka̍ka̍ de wɔ̄wīyā, kɛ̄ɛ āchɛ ɔbīya riyī yī āchɛ, kɛ̄ɛ āchɛ nīi ē wūwī ma̍, ɔ̄chɔ̄chɛ lipu̍ yī wā i̍ ge̍ē nāa ɔpiyɛ yī Ɔchwɔ̄lɛ̍ Oro̍ōre̍ yī Ɔwɔ ni̍.

Ala̍ ā pi̍ye̍mā hī ya̍chi yī lɛlā ɔyɔ̍ɔ̄ya̍ yī anyā ba̍la angrɔ̄ɔ ɔla̍ā gɛ. Lɛlā ɔdwɔ̄bi̍ ɛha̍lɛha̍ wa̍a̍ nīi ɔ̄chɛ ē ya̍ ma̍ i̍ lā ku ibi̍īyē yī ɔ̄chɛ ɔlɔjā ni̍. Ɔ̄chɛ nīi ge̍ ya̍chi yī lɛlā yī anyā ba̍la angrɔ̄ɔ i̍ngɔ̍ɔ, o̍ re̍ka ɔlɔjā yɛ̍ɛ̄lā ɔdwɔ̄bi̍ ku ibi̍īyē yī anu̍ ɔlɔjā.

Ɔ̄chɛ ge̍ē ka ē mɛ hīka anɔ̍lɔ i̍ trīihɔ yī ɔjɔ̄jā ni̍. Lēchi̍ nɛ. I̍ ɔjā wa̍a̍ chī hwɔhi de wɔ a̍ni̍ ma̍ bɛ̍ɛ! Ami ɔlɔjā, n ge̍ē ka ē mɛ hīka n i̍ trīihɔ yī ɔjɔ̄jā ni̍. N i̍ chī ge̍ē ya̍ ē de ē gblɛfiyɛ yī ɔjɔ̄jā ni̍.

Ɔwɔ de Ādā Iji̍sɔ̄ɔsi hye̍ēyī la okū ma̍, anu̍ titi ge̍ē de alɔ ē hye̍ēyī la okū bū la wɔhu̍ yī nū.