Versets bíblics populars de मर्कूस 7

Comparteix

काकरकि यी सब चिज मनमसे निक्रठा: दुष्‍ट विचार कर्ना, बेश्‍या काम कर्ना, चोर्ना, ज्‍यान मर्ना, व्‍यभिचार कर्ना, ल्‍वाभ कर्ना, खराबी कर्ना, छलकपट कर्ना, छट्‌टैना-मट्‌टैना, बिह्र मुना, बदनाम कर्ना, ओ घमण्‍डी ओ मूर्ख हुइना। यी सक्‍कु खराब चिज मनैयक मनमसे अइठा ओ ओहीह अशुद्ध बनैठा।”

असिन कुछु खैना चिज नैहो, जौन बाहरसे भित्तर पैँठ्‌क मनैन अशुद्ध बनैठा, तर मनैन्‍हक मनमसे बाहर निक्रना चिजले हुँकन अशुद्ध बनैठा।

येशू हुँकन जवाफ देल, “परमेश्‍वरक कहल बात धेर आघ यशैया टुह्र कपटीन्‍हक बारेम ठीक लिख्‍रख्‍ल: ‘यी मनै महीह मुहले केल आदर कर्ठ, तर हुँकन्‍हक मन महीसे धेर दूर बाटन।

महीह करल हुँकन्‍हक आराधना त बेकार बाटन, काकरकि हुँक्र त मनैन्‍हक परम्‍परा केल सिखैठ।’

टुह्र त परमेश्‍वरक आज्ञह छोर्क मनैन्‍हक बनाइल परम्‍परा मन्‍ठो।