Versets bíblics populars de A Sofoni 3

Comparteix

Bala, Sẽn-Ka-Saab sẽn yaa yãmb Wẽnnaamã bee ne yãmba, b yaa gãndaoog sẽn fãagd yãmba, yãmb na n yɩɩ bãmb sũ-noogo. La bãmb sẽn nong yãmbã yĩnga, b na n sĩnda b noore, bãmb na n zẽka b koɛɛg n kaas ne kɩdeng yãmb wɛɛngẽ.

Wakat-kãnga, mam na n tall-y lame n lebg n wa, Wakat-kãnga, mam na n tigm-y lame. Bala, mam na n kɩtame tɩ yãmb yʋʋrã yi, la m kɩt tɩ y paam waoogr dũniyã buud fãa sʋka. Wakat ning mam sẽn na n lebs yãmb y zĩigẽ wã, yãmb mensã nin na n yãndame. Yaa maam a Sẽn-Ka-Saab n yeele.

Bala, Sẽn-Ka-Saab ka na n leb n sɩbg yãmb ye. Bãmb kɩtame tɩ y bɛɛbã toeem sore. Sẽn-Ka-Saab sẽn yaa Israyɛll dĩmã bee ne yãmba, yãmb kõn leb n yɛɛs tɩ toog na n wa paam-y ye.

Wakat-kãnga, mam na n sɩbga neb nins sẽn namsd yãmbã. Mam na n tɩpa sẽn pogl-bã, la m lebg n tall neb nins b sẽn yõg n kẽng tẽn-zẽmsã n wa, n kɩt tɩ b paam waoogr la yʋ-zẽk dũniyã zĩig ning fãa b sẽn dag n paoogd bãmbã.