Versets bíblics populars de A Matye koe‑noogo 5

Comparteix

Ned ka yõgend fɩtl n na n fõgen-a ne peoog ye. A na n dogl-a-la fɩtl doagendgã zug t'a kõt nebã fãa sẽn be roogã pʋgẽ wã vẽenem. Bɩ yãmb vẽenem yãg a woto me nebã sʋka, tɩ bãmb tõe n yãnd yãmb tʋʋm‑sõamyã la b waoog yãmb ba sẽn be arzãnã.

Yãmb yaa dũniyã vẽenem. Tẽng sẽn be tãng zug ka tõe n solg ye.

Bark bee pʋ-peelem dãmbã zutu, bala bãmb na n yãnda Wẽnnaam.

Bark bee tɩrlem kom la a ko-yũud sẽn tar-b rãmbã zutu, bala b na n tɩgame.

La mam yeta yãmb tɩ y nong y bɛɛbã [la y ning neb nins sẽn kãabd yãmb wẽngã zut barka, la y maan neb nins sẽn kis yãmbã neere] la y pʋʋs neb nins sẽn maand yãmb wẽngã, la sẽn namsd yãmbã yĩnga

Bark bee sik-m-mens rãmbã zutu, bala arzãn soolem yaa bãmb dẽnda.

Bark bee zab-paasdbã zutu, bala b na n boola bãmb tɩ Wẽnnaam kamba.

Bark bee sũ-sãang rãmbã zutu, bala b na n paama belsgo.

Bark bee neb nins b sẽn namsd‑b tɩrlmã yĩngã zutu, bala arzãn soolem yaa bãmb dẽnda.

Bark bee nimbãan-zoɛtbã zutu, bala Wẽnnaam na n zoee bãmb me nimbãanega.

Bark bee yãmb zutu, nebã sã n gomd yãmb wẽnga, la b namsd yãmba la b sa n sãamd yãmb yʋʋr mam yĩnga. Maan-y sũ-noog n kɩdme, yãmb keoor sẽn na n yɩ kãseng arzãn pʋgẽ wã yĩnga. Bala, b rag n namsa Wẽnnaam no-rɛɛsdbã sẽn deng yãmbã me a woto.

Bark bee sũ-maasem dãmbã zutu, bala b na n sooga dũniyã.

Yãmb yaa dũniyã yamsem. La yamsem noosem sã n yi, ned na n yɩ a wãn t'a leb n lebg yamsem? A ka leb n tar yõod ye, a tɛk yaa b lob-a yɩng tɩ nebã tab-a ne nao.

Dẽ yĩnga, bɩ yãmb yɩ neb sẽn zems zãnga, a wa yãmb ba sẽn be arzãnã sẽn zems zãngã.

Bɩ yãmb n-yẽe yɩ n-yẽe, tɩ y ayo yɩ ayo. Sã n yɩɩd a woto, sẽn paasã yita wẽng soabã nengẽ.

Yãmb wʋmame tɩ b rag n yeelame tɩ nif nif yĩnga, la yẽnd yẽnd yĩnga. La mam yeta yãmb tɩ y ra rok y sũur ne ned sẽn maand yãmb wẽng ye. Ned sã n wẽ fo rɩtg yɛgdgã pɛk bɩ f wẽnemd a to wã me n kɩs-a.

Fo rɩtg nifã sã n wat ne fo lʋɩɩs bɩ f feoog-a n lob yɩɩga, bala, fo yĩngã will a yembr sã n sãam n são b sẽn na n lob fo yĩngã tõr bug-tẽnga. La fo nug‑rɩtg sã n wat ne fo lʋɩɩs bɩ f fiuug-a n lob yɩɩga, bala, fo yĩngã will a yembr sã n sãam n são b sẽn na n lob fo yĩngã tõr bug-tẽnga.