Versets bíblics populars de A Matye koe‑noogo 24

Comparteix

Wẽngã maaneg sẽn na n lebg wʋsgã yĩnga, neb wʋsg nonglem na n boogame. La ned ning fãa sẽn na n mao-a tɩ wakat ta, a na paam fãagre.

Wẽnnaam soolmã koe-no-kãngã na n moona dũni gill fãa, tɩ yɩ kaset soolem toay‑toayã fãa nebã yĩnga. Dẽ, wakat sɛɛb na yaool n ta.

Yãmb na n wʋmame tɩ b gomd zab yelle, la y wʋm zab rãamde. Yõk-y y mens n da yɛɛs ye. Bala, bõn-kãens fãa tog n waame. La ket n nan ka wakat sɛɛb ye.

Soolem na n yika zabr ne soolem a to, tɩ rĩung yik ne rĩung a to, la kom ne tẽn-digimdg na n zĩnda zĩig-zĩiga. Yõwã fãa na n yɩɩ wa rogem toog sɩngr bala.

Saasẽ la tẽng na looge, la mam goamã kõn loog ye.

Bala, neb wʋsg n na n wa rɩk mam yʋʋrã n yetẽ: ‹Yaa maam la Kirisã.› La b na n tudga neb wʋsgo.

Dẽ, b na n namsa yãmba, n kʋ yãmba, la soolem fãa nebã na n kisga yãmb mam yʋʋrã yĩnga. Bõn-kãng na n waa ne neb wʋsg lʋɩɩse. B na n zãmba taaba, n kisg taaba. Belgr no-rɛɛsdb wʋsg na n pukame la b na n belga neb wʋsg n tõoge.

A Zeezi leok-b lame n yeele: «Gũus-y y mens tɩ ned da tudg yãmb ye.

Woto yĩnga, yãmb me segl n sɛ, bala, Ninsaal Bi-riblã na n waa wakat ning yãmb sẽn ka tagsd tɩ b na waame wã.

Rẽ yĩnga, neend-yã, yãmb sẽn ka mi daar ning yãmb Zu-soabã sẽn na n wa wã yĩnga.

Sã n yaa ne a daarã la a wakatã, ned baa a yembr ka mi ye: malegsã sẽn be arzãnã ka mi, Bi-riblã ka mi. Yaa ba wã bal n mi.

Bala, belgr kiris-rãmb la belgr no-rɛɛsdb n na n puki. B na n maana bõn-kãsemse, la bõn-yɛɛsdse, hal tɩ b sã n tõe menga, b na n tudga nin-tũusdsã mense.

Bũmb ning sẽn zĩnd a Nowe wakatã n na n zĩnd Ninsaal Bi-riblã waoong wakat me. Bala, rasem nins sẽn deng sãoong sa-kãsengã, nebã dag n dɩtame la b yũuda, n kẽed kãadem la b yiisd b kamb kãadem, hal tɩ ta daar ning a Nowe sẽn kẽ koom koglgã pʋgẽ wã. Bãmb dag n ka tẽed yell hal tɩ sãoong sa-kãsengã wa n kãag bãmb fãa. Na n yɩɩ a woto me Ninsaal Bi-riblã waoong wakate.