Versets bíblics populars de A Matye koe‑noogo 12

Comparteix

Mam yeta yãmb tɩ bʋʋdã kaoob daare, b na n soka ninsaalbã b gom-vɩɩd nins fãa b sẽn dag n gomã yelle. Bala, yaa ne fo noorã goam la f na n paam bʋʋm, la yaa ne fo noorã goam la f na n kong bʋʋm.

Yãmb wag-toos buudu, yãmb sẽn yaa nin-wẽns a woto wã, yãmb na n yɩɩ a wãn n tõog n gom gom-sõama? Bala, yaa bũmb nins sẽn pid sũurẽ wã n yit noorẽ wã.

Nin-sõng yiisda bõn-sõamã a paoon-sõngã pʋgẽ. La nin-wẽng yiisda bõn-wẽns a paoon-wẽngã pʋgẽ.

Yaa woto yĩng la mam yet yãmb tɩ ninsaalbã na n paama sugr b yel-wẽnã la b paoogrã buud fãa yĩnga. La ned ning sẽn paoog-a Sɩɩg-sõng kõn tol n paam sugr ye.

Kɩt-y tɩ tɩɩgã yɩ sõama la t'a biisã yɩ sõamã, wall y kɩt tɩ tɩɩgã yɩ yooko, t'a biisã me yɩ põaasa. Bala, yaa tɩɩg biisẽ la b bãngd a sã n yaa sõama, wall yooko.