Versets bíblics populars de A Malasɩ 3

Comparteix

Ade, Saasẽ-Pãng-Soabã yetame: «Tall-y piig pʋɩɩrã fãa n wa laogã bĩngr doogẽ, tɩ rɩɩb tõe n zĩnd m doogẽ wã. M kotame tɩ y mak maam a woto, la mam na n paka yĩngr kʋɩlemsã y yĩnga, n kɩt tɩ barkã sig yãmb zugu, hal tɩ seke!

Mam na n lenga sẽn sãamd-a wã, n gɩdg-a t'a ra sãam y koodã ye. La y reezẽ tɩɩsã ka na n pa n ka wom biis y pʋtẽ wã ye. Maam a Saasẽ-Pãng-Soabã n yeele. Buud toor-toorã fãa na n yeelame tɩ bark bee yãmb zugu. Bala, yãmb tẽngã na n yɩɩ tẽn-noogo. Maam a Saasẽ-Pãng-Soabã n yeele.»

Maam a Saasẽ-Pãng-Soabã yetame: Bãmb na n yɩɩ mam dẽnda, b na n yɩɩ mam mengã soolem, daar ning mam sẽn segendã yĩnga. Mam na n zoee bãmb nimbãanega, wa ned sẽn zoet a biig sẽn sakd-a nimbãanegã. Woto, yãmb na n leb n yãnda welgr ning sẽn be nin-tɩrg ne nin-wẽng sʋka, la welgr ning sẽn be sẽn sakd-b Wẽnnaam ne sẽn ka sakd-b Wẽnnaamã sʋka.

Saasẽ-Pãng-Soabã yetame: «Ade, mam tʋmda m koe-toagsdã t'a reng maam taoor n maneg sore. Yẽnda na n wa a roogẽ wã ne lingri. Yaa Zu-soab ning yãmb sẽn baoodã, yaa kaoolã koe-toagsd ning yãmb sẽn datã. A watame.»