Versets bíblics populars de A Ezekɩyɛlle 34

Comparteix

Mam na n baoo peosg ning sẽn menem-a wã, mam na n talla sẽn kẽ-a moogã n wa. Mam na n tɩbsa karg sẽn kaoog-a wã, m na tɩpsa sẽn bẽed-a wã, n kɩt t'a sãoog n paam pãnga. La mam na n kʋʋ peosg ning sẽn nob n tar pãngã. M na n kɩɩma mam piisã ne tɩrlem.

Wa piis sẽn mi n sãeeg tɩ pe-kɩɩmã tigimd-b to-to wã, mam me na n tigma m piisã zĩis nins fãa b sẽn dag n sãeeg sãoongã la lik bida daarã.

Ad maam a Zu-soab a Sẽn-Ka-Saab sẽn yeta: «Moasã, mam meng n na n ges m piisã yell m toore, la m kɩɩm-ba.

Mam na n kɩɩma m piisã m toore, mam na n kõ-b-la vʋʋsgo. Maam a Zu-soab a Sẽn-Ka-Saab n yeele.

N-yẽe, yãmb a piisã m sẽn kɩɩmdã, bãng-y tɩ y yaa ninsaalba, la mam yaa yãmb Wẽnnaam! Yaa Zu-soab a Sẽn-Ka-Saab n yeele.»

«Ninsaala, togs Israyɛll pe-kɩɩmbã pĩnd-n-bãngr goam n yeel tɩ m yaa Zu-soaba, la m yetame: ‹Israyɛll pe-kɩɩmbã na n paama toogo. Bala, bãmb dɩlgda b mens n basd piisã! La yaool n yaa pe-kɩɩmbã n dag n tog n dɩlg piisã.