Versets bíblics populars de Efɛɛs‑rãmba 1

Comparteix

Mam pʋʋsdame tɩ Wẽnnaam na puk yãmb pʋ-tẽer ninã tɩ y bãng bõn-neer ning b sẽn bool yãmb tɩ ka tar paamã, la y bãng bãmb pʋɩɩr ning sẽn yaa arzegs sẽn be ziirã, Wẽnnaam nin-tũusdsã sẽn tarã. Mam pʋʋsdame tɩ yãmb na bãng bãmb pãn kãsengã sẽn zem to-to, la a sẽn tʋmd tõnd sẽn yaa Kiris tẽedbã pʋsẽ, wa sẽn zems bãmb naamã pãng sẽn tʋmdã. Wẽnnaam wilga b pãn-kãsengã Kiris pʋgẽ, n vʋʋg-b tɩ b yi kũum sʋka, n kɩt tɩ b zĩ bãmb dɩtg Arzãn pʋga. Wẽnnaam kɩtame tɩ Kiris yɩɩd rĩm-dãmba fãa la noyã fãa la pãensã fãa la naam fãa, la b yʋʋrã yɩɩda yʋyã fãa sẽn pʋtã, la ka dũndã zamaanã pʋg bal ye, la yaa ne zamaan ning sẽn watã me pʋgẽ.

Wẽnnaam yãka tõnd Kiris maasem yĩng sẽn deng dũni naanego, tɩ tõnd yɩ neb sẽn yell bãmb taoor ye. Wẽnnaam nonglmã pʋga, bãmb da pĩnd n yãka yam tɩ tõnd na n yɩɩ bãmb kamba, a Zeezi maasem yĩnga, a wa sẽn zems bãmb daabo, la sẽn noom bãmba.

Yaa Kiris zɩɩmã maasem yĩng la tõnd paam fãagre, fãagr ning sẽn yaa yel-wẽnã sugr kũuni, sẽn zems Wẽnnaam barkã sẽn waoog wʋsgã

Pẽgr Wẽnnaam sẽn yaa tõnd Zu-soab a Zeezi Kiris ba wã! Bãmb sẽn kõ tõnd Sɩɩg-sõng bark buud fãa sẽn yit yĩngri, Kiris maasem yĩngã.