Versets bíblics populars de Tẽn‑tʋmdbã tʋʋmã 9

Comparteix

La Zu-soabã yeela a Hananiyaas yaa: Kẽnge. Bala, mam yãka rao-kãngã n na n kɩt t'a tall mam yʋʋrã n wilg bu-zẽmsã la rĩm-dãmbã, la Israyɛll nebã.

La a Soll lʋɩɩ tẽnga. La a wʋma koɛɛg sẽn yet yẽnda yaa: Solle, Solle, yaa bõe tɩ fo namsd maam? A Soll leokame tɩ Zu-soaba, yãmb yaa ãnda: La Zu-soabã yeelame yaa: Mam yaa a Zeezi fo sẽn namsd a soabã. [Na n yɩɩ toog ne foom, fo sẽn kɩɩsdã yĩnga. La yẽnda ra yɛɛsame n digd n sok Zu-soabã tɩ bãmb datame tɩ yẽ maan bõe. Dẽ Zu-soabã yeela yẽnda]

La a Hananiyaas kẽngame. La yẽnda taa n kẽe roogẽ wã n tik a Soll ne a nus n yeel-a yaa: Ba-biig a Solle, Zu-soab a Zeezi sẽn puk b meng ne yãmb y sẽn wa n be sorã zug n watẽ wã tʋma maam tɩ m wa tɩ y tõe n leb n paam y nini, la y pid ne Sɩɩg-sõngo. La tao-tao bala, bũmb sẽn wẽnd wa nod-pags yii a Soll nini wã n lʋɩ. La yẽnda leb n paama a nini. La yẽ yikame n deeg koom lisgu.