Versets bíblics populars de Tẽn‑tʋmdbã tʋʋmã 4

Comparteix

Fãagr ka be ne ned a to sã n ka a Zeezi ye. Bala, Wẽnnaam ka kõ ned yʋʋr a to ninsaalba sʋk dũniyã zug tɩ tõnd tõe n tũ n paam fãagr ye.

La bãmb sẽn pʋʋs n sɛ, bãmb sẽn dag n tigim taab roog ningã rigimdame. La b fãa pida ne Sɩɩg-sõngo. La b moona Wẽnnaam koɛɛgã ne raoodo.

La moasã, Zu-soaba, kelg-y bãmb zabr goamã. La y kõ y tẽn-tʋmdbã raood kãseng tɩ b moon yãmb koɛɛgã.

Wa gʋls sõamyã sẽn yetã, a Zeezi yaa: «Kugr ning yãmb a tãn-metbã sẽn dag n zãgsã, yaa kug-kãng n lebg roogã pãng kugri.»

La bãmb sẽn yãnd a Pɩyɛɛr ne a Zã pel-kɛgengã, b yɛɛsame, bala, b rag n bãngame t'a Pɩyɛɛr ne a Zã yaa nin-zaals sẽn ka paam zãmsgo. La b rag n bãngame t'a Pɩyɛɛr ne a Zã rag n tũuda a Zeezi.

Neb wʋsgã sẽn yaa Kiris tẽedbã sũyã la b yamã fãa ra yaa a yembre. Bãmb ned ba a yembr dag n ka yet tɩ bũmb nins yẽ sẽn so wã yaa a meng rẽnd ye. La paoongã fãa rag n yaa bãmb fãa n so.