Versets bíblics populars de Sakari 9

Comparteix

Mangi mani yi pala, Yinba Siyon dogu yaaba! Kpaani mani i pamandankpaani, Yinba Jerusalemi yaaba! Diidi mani, yi bado kpendi yi kani! O tiegi, ki paadi li bonla kuli mo! O dingi, ki jagi o ŋunbo! O jagi ŋunbiga, ŋunñua biga!

O baa bolini ti toateliti Efrayimi buolu siiga, Ki bolini i taami mo bani Jerusalemi yaaba siiga. O baa kua bi dabana, Ki teni mi yanduanma n yaa ye i nilanbuoli siiga. O baa yaa die, ki cili ñincianma kani Ki ban tuoni hali ñincianma, Ki cili Efrati kpenu ki ban tuoni hali u tinbianu.

Lanyogunu, o Diedo baa faabi ba Nani o yankpaalo n baa faabi o yankulu maama. Bi baa yaa ñuliti bi diema nni, Nani yaa tana n pia mayuli ki yen Taabi mu badifogilimu po maama yeni.