Versets bíblics populars de Galati 5

Comparteix

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima leni li yukubili. Li bali maama naa koani leni laa bonla.

Min yedi yi yaala tie line: Cedi mani U Tienu Fuoma n yaa gobidi yi. Lani, yi kan yaa go tiendi yi gbanandi bonbuakaala.

U Tienu Fuoma yaa teni ke ti fo, tin go yaa cuoni kelima o po.

Yaaba n tie Kilisiti yaaba joani ti gbanandi, ti yantiali leni ti bonbuakaala li dapoanpoanli po.

To, o nisaalo gbanandi tuona doagidi. Lani n tie: mi conconma buoli kuli, ti joagindi , ti cagindi, i buli ŋoadima, u ñoagubiadu lingima, ti yibalindi, li koanli, li nunponli, li pabienli, mi niagima yantiali, mi paadima, li nunponbiadili, li dañogaadili, ku nuagu leni laa bonbuoli kuli. N go tuodi ki waani yi nani min den kpa wani yi maama, ke yaaba n tiendi laa bonjoagindi buoli kan kua U Tienu diema nni.

N kpiiba, U Tienu den yini yi ke yin yaa die yi yula. Yin da taa laa yudiedima ki yaa tiendi yi gbanandi bonbuakaala. Ama, mi buama po, yin yaa tuuni ki todi yiyaba.

O nisaalo gbanandi n bua yaala nia leni U Tienu Fuoma n bua yaala. U Tienu Fuoma n bua yaala mo nia leni ti gbanandi n bua yaala. Li bonliedila yeni koani leni biyaba, ki teni ke yii fidi ki tiendi yin bua yaala.

Li bali maama kuli taani mayenma nni, yaama n tie ne: «Ŋan bua a lielo nani ŋan bua a yuli maama yeni.»

Tin da gbengidi ti yula, ki da ñundi tiyaba li mutuoli, ki da pia li nunponbiadili tiyaba po.

Kilisiti den faabi ti ke tin yaa die ti yula. Lani yaa po, sedi mani bonŋanla ki da go kuani yi yula ti yonbidi lolima nni.