Versets bíblics populars de Efesa 2

Comparteix

Ti tie U Tienu nuu tuonli. O tagi ti Jesu Kilisiti nni, ke tin yaa tuuni a tuonŋama, wan den tuodi ki jagi ke tin yaa tuuni ya.

Li tie li ŋanbili-paabu yaa po, ke yi faabi. Yi baa la kelima li dandanli yaa po yo. Laa ñani yi yaa kani, li tie U Tienu paabu yo. Laa tie a tuona po ka. Lanwani, oba kuli n da kpiagi o yuli li po.

Ama U Tienu ninñingbadima yabi, o bua ti hali boncianla. Lani yaa po, tin den tie bi tinkpiba kelima ti tagili po, o den guani ki puni ti li miali leni Kilisiti. Li tie o ŋanbili paabu yaa po, ke yi faabi.

O taani ki fiini ti leni Kilisiti, ki duoni ki kaani ti leni o tanpoli diema nni, wani Jesu Kilisiti yaa niinni.

Lanwani, yii go tie nilanba leni canba ka, yi ji tie tanpoli diema yaaba, ki taa buolu leni U Tienu nigagidiŋanba, ki tie U Tienu deni yaaba. Yi tie nani a tanmaakaana yeni, ke bi ŋuani yi yaa tanpuuli n tie U Tienu tondiba leni o saawalipuaba po. Jesu Kilisiti wani o ba n tie laa tanpuuli tanjigi.