Versets bíblics populars de 1 Korenti 12

Comparteix

Yuakuli baa U Tienu Fuoma doagidima li nitaanli kuli todima po.

Yikuli taani ki tie Kilisiti gbanandi, yi siiga yuakuli tie o gbananbuoli.

Gbanan-buoyendu yaa laadi fala, i gbananbuoli kuli taani leni u laa fala nni. Gbanan-buoyendu yaa baa ti jigidi, i gbananbuoli kuli mangi i pala leni u.

O Fuoma puni niyendo mi yanfuomaama. Mi Fuoyenma yeni go puni nitoa mi bancianma maama. Mi Fuoyenma yeni n puni niyendo li dandanli , ki go puni nitoa mo wan yaa paagidi a yiama. O puni niyendo ke o baa fidi ki yaa tiendi mi bancianma, ki go puni nitoa ke o baa fidi ki yaa wangi U Tienu maama, ki puni nitoa goga U Tienu Fuoma leni mu cicibiadimu gagidima paabu. O puni mi malanma paabu ki go puni nitoa mi malanma soaginma paabu.

Laa Fuoyenma n tuuni laa tuonbuoli kuli, ki puuni nilo kuli oba, nani wani o ba n bua maama.

O den tieni yeni ke mi paadima n da ye ti gbanandi nni, ama gbananbuoli kuli n yaa bua ki todi iyii yenma.

Bu paabu buoli yabi, ama Fuoyenma n puuni likuli. I todibuoli moko yabi, ama o Diedo yua n die likuli tie yendo. I tuonbuoli yabi, ama Tienyendu n tuuni laa tuona kuli bi niba kuli nni.

U Tienu kpa bili Kilisiti Nitaanli siiga bi tondiba, miliema bi saawalipuaba, mitaama bi bangikaaba. Li yaa puoli, li pia yaaba n baa mi bancianma paabu, tianba baa a yiama paagima paabu, tianba mi todima paabu, tianba mi gobidima paabu, tianba malanma maama paabu.

Lani yaa po, ti gbanandi naa tie gbanan-buoyendu bebe ka, ama gbananbuoli boncianla.

Ama yaa gbananbuoli n naani ke i tadi ki cie moko tie tiladi.

Li yaa tie ke ti gbanandi kuli bi tie nunbu bebe, mi gbadima bi baa yaa ye le? Bi tikuli yaa bi tie tubili bebe, ti baa yaa gba u nuulu lede? Moamoani U Tienu bili gbananbuolu kuli uba uba ti gbanandi nni, nani wan bua maama. I gbananbuoli yeni kuli yaa bi tie gbanan-buoyendu bebe, ti gbanandi bi baa yaa ye le?