Versets bíblics populars de MATIYO 27

Comparteix

Tile sumana tuma min na, Yezu pɛrɛnna k'a fɔ ko: “Eli, Eli, lamasabakitani”, o kɔrɔ ko: “Ne ka Ala, ne ka Ala, mun na e bɔra ne kɔ?”

O yɔrɔnin bɛ, Alabatosoba cɛtigɛfani faranna fila ye, k'a ta a sanfɛ fɔɔ duguma. Dugukolo yɛrɛyɛrɛla, kabakuruw cicira. Kaburuw daa yɛlɛla. Ala ka mɔgɔ minw tun sara, olu caaman kununna.

O kɔ, Yezu kulera kosɛbɛ ka sɔrɔ ka sa.

Sɔlidasi kuntigi min tun bɛ Yezu kɔlɔsira n'a ka sɔlidasiw ye, olu ye dugukolo ye a yɛrɛyɛrɛla, ani koo minw kɛra o waati la, u y'o bɛɛ ye, u siranna kosɛbɛ. U y'a fɔ ko tinyɛ na, cɛɛ nin tun ye Ala Deen ye.

Tilegwangwanfɛ, dibi donna yɔrɔ bɛɛ la, fɔɔ ka taa se tile sumawaati ma.

A y'u nyininga ko: “Ne ka mun kɛ Yezu la u bɛ min wele Ala ka Mɔgɔwolomanin?” U y'a jaabi ko: “A ka kan ka gwengwen lɔgɔ kan.” A y'u nyininga ko: “A ye kojugu jumɛn le kɛ min kɔsɔn a ka kan ka faga?” U pɛrɛnna kosɛbɛ ko: “A ka kan ka gwengwen lɔgɔ kan.”