Versets bíblics populars de USUKUYONY 5

Comparteix

Nawo vakeemba kiimbo veshaambaa, “Nnyewe kusumani irua kyitabu ekyo na iporommwa muuri ya vayo, mashika elyi kuleshishwa, kwaurya Iruva vandu va wo isanga na wa kishomu na wo mmba, kwawoora na samu yafo.

Vakarera na unyanga uniini vakaamba, ni Ngurana ya Iruva yeyo ileshishwa isumani iwarya wiidimi na usuri na urango na finya na wiindi na uniini na mbora.

Kwavaallwa vana va umangyi na vakohani va Iruva weeru; nawo mmbo vakee ishillya kunu urukeny.”

Na wo kyuumbe ekyo kyikee iruveu na yaa ulaniny na efo si ya uruka na uwe ya yeeve, na efyo fyoose fiifo, shafiita fishaambaa, “Mbora na wiindi na usuri na wiidimi mfya yeto akee rembo uwe ya kitima kya itumbe, na Ngurana ya Iruva, llung'anu na llung'anu.”

Naasa umwi wa vamiku valya kashivia, kulafwe-fo, lola-te, kwiifo Miiso ya ufyari lwa Yuda, wa Isindeny lya Davidi, we mmbo alevinga kutani aidima irua kyitabu kilya, na muuri ya vayo mfungare.