Versets bíblics populars de Maluko 5

Comparteix

Nayo Yesu yakamutya, “Go muhinza, wihuwilo wako wukuponya. Wubite wupolile, no wutamwa wako wuponele lukulu.”

Na muli wene mwali moyuli mucekulu yunji mono yali yena wutamwa wo wuzaze we sakami myaka yikumi na myejete. Umucekulu yuyo yali yagazika muno ne waganga wenji. Na hamba yawe yali yakondya kwitumamila sawo yakwe yose so wulagulwe, ninga siyatuga ciba hamba hadodo, langa wutamwa wakwe ho wukacila kuwa wubi muno muno.

Hodu, yakawa kucipamiza i civwalo ca Yesu, no wuzaze wakwe we sakami, wukawa kuduma lwa kamonga, nayo yakehulika mu muwili wakwe nha vyono yaponywa wutamwa wakwe.

Yesu yakamwibata muwoko, yakamutya, “Talita kumi.” Nhunizo yayo, “Go muhinza nghukulonjela, winuce!”

Na lono Yesu yali yakali yakulonga, iwanhu wakaza kulawa ku kaya yo muwaha we nhang'anilo yo wuhembelo, wakamutya, “Umuhinza wako yakondya kufwa. Alu nhawule wukali wukumugaza Mwijizi?” Ninga mwene Yesu hamba siyacelelela cono walonga, langa yakamutya muwaha we nhang'anilo yo wuhembelo, “Wulece kogopa, wihuwile du.”

(Nayo yalonga nhavivyo vyono Yesu yali yamulonjela yatya, “Go licisi lyavu, wulawile muli munhu ayu.”) Holeka Yesu yakamuwuza, yakutya, “Alu litagwa lyako gwegwe nani?” Nayo yakapitula, yakutya, “Litagwa lyangu nene ‘Mhuga’ hambi ase nha cili wenji.”