Versets bíblics populars de Nahum 3

Comparteix

Jach' wax yala ja jDyostiki: —Jel ajujla ab'aj ja we'n, sniwanil chonab' Asiria. —Jel jitsan tey amok ja milwanum jumasa, ja le'a ab'al sok ja elk'anuk jumasa mini t'un wax chak yipe ja elk'anela.

—Mandaranum b'a Asiria, jel jitsan ja niwak chonab' wa' yi' wokol ja swinkili. Jaxa ya'ni oj ch'ak chamuke ja ma'tik mas niwak ja ya'tel yuj ja soldado sok ja ma'tik mas niwak ja ya'tel a wuji. Ja wa soldado jumasa ti ch'ayel oj ajyuke ek' b'a yoj wits, sok mixani ma oj tsomjuke yuj ja. Jaxa we'n yajb'elaxa oj ni chamana, sok mixani ma' oj ya tojb'ana. Spetsanile ja ma oj yab' ja lo'il iti oj spak'tsuk ja sk'ab'e yuj ja sgusto'e'i.

Spetsanil ja ma'tik oj yil'a oj eluke najat ja b'a'ya ti oj yal'e'a: —Swinkil Asiria ch'akta sna'jel. ¿Ay to ma ma' oj a'juk kulan sk'ujol yuj? ¿Ayto ma ma' oj talnajuk sya'ujlal yuj? Ke'n sDyoson ja israelenio, ja jas wax kala yujni jach' oj k'u'l merana.