Versets bíblics populars de Mateo 8

Comparteix

Ti alji yabye yuj ja Jesusi: —¿Jasyuj ja jel xiwel ayexi? —Ja we'nlexi jel ko'el waxa k'u'anex ja Dyosi, xchi ja Jesusi. Ti'xa k'e' ja Jesusi, yal yab' ja ik' sok ja niwan paman ja'i a lamxuk, wego kan laman.

Jaxa ma' ay ya'tel yuj ja soldado, ti yala'a: —Kajwal Jesús, mi sb'ejuk oj ochan ja we'n b'a jnaji. A'nima ti' aytik ili, malan sok ja ala yuj oj tojb'uk ja ka'tijumi ojni tojb'uka.

Yajni yab' ja Jesús ja jas yala ja kapitan sb'a soldado jumasa jel cham sk'ujol. Ja'yuj ti yal yab' ja ma'tik nochub'al yuji: —Ja smeranili, b'a spetsanil ja israelenio, mi ma' wax na'a sb'aj b'a jel oj sk'u'ukon jastal ja winik it tuk chonab' jakeli

Ti'xta'a ja Jesusi, yal yab' ja kapitan yuj ja soldado: —Ka'axa b'a wa naj, ja jastal a k'u'ani, yujni jach'ni oj b'ob' spetsanila. Ti'to wa'ne lo'ila jaxa ya'tijumi, tojb'ita.

Jaxa sneb'uman jumasa, cham k'ujol lek wa sjob'o sb'aje: —¿Ma' winikiluk ja iti wax b'ob' ya' laman ja ik' sok ja niwan paman ja' b'a? —xchiye.